ye alag baat ki vo dil se kisī aur kā thā

baat to us ne hamārī bhī ba-zāhir rakkhī

ye alag baat ki wo dil se kisi aur ka tha

baat to us ne hamari bhi ba-zahir rakkhi

bajā hai zindagī se ham bahut rahe nārāz

magar batāo ḳhafā tum se bhī kabhū hue haiñ

baja hai zindagi se hum bahut rahe naraaz

magar batao KHafa tum se bhi kabhu hue hain

kisī ke rāste kī ḳhaak meñ paḌe haiñ 'zafar'

matā-e-umr yahī ājizī nikaltī hai

kisi ke raste ki KHak mein paDe hain 'zafar'

mata-e-umr yahi aajizi nikalti hai

nā-ḳhudā chhoḌ ga.e biich bhañvar meñ to 'zafar'

ek tinke ke sahāre ne kahā bismillāh

na-KHuda chhoD gae bich bhanwar mein to 'zafar'

ek tinke ke sahaare ne kaha bismillah

sab baḌe zo.am se aa.e the na.e sūrat-gar

sab ke dāman se vahī ḳhvāb purāne nikle

sab baDe zoam se aae the nae surat-gar

sab ke daman se wahi KHwab purane nikle

ik ḳhauf-e-dushmanī jo ta.āqub meñ sab ke hai

ik harf-e-lutf jo kahīñ ġhā.eb hai shahr meñ

ek KHauf-e-dushmani jo taaqub mein sab ke hai

ek harf-e-lutf jo kahin ghaeb hai shahr mein

kāsa-e-dard liye kab se khaḌe sochte haiñ

dast-e-imkān se kyā chiiz na jaane nikle

kasa-e-dard liye kab se khaDe sochte hain

dast-e-imkan se kya chiz na jaane nikle

ye ahd kyā hai ki sab par girāñ guzartā hai

ye kyā tilism hai kyā imtihāñ guzartā hai

ye ahd kya hai ki sab par giran guzarta hai

ye kya tilism hai kya imtihan guzarta hai

ik aisā vaqt bhī sair-e-chaman meñ dekhā hai

kalī ke siine se jab be-kalī nikaltī hai

ek aisa waqt bhi sair-e-chaman mein dekha hai

kali ke sine se jab be-kali nikalti hai

ḳhayāl-e-tāzā se karte haiñ ḳhvāb-e-nau taḳhlīq

'zafar' zamīneñ na.ī āsmāñ se khīñchte haiñ

KHayal-e-taza se karte hain KHwab-e-nau taKHliq

'zafar' zaminen nai aasman se khinchte hain