سنتے ہیں چمکتا ہے وہ چاند اب بھی سر بام

حسرت ہے کہ بس ایک نظر دیکھ لیں ہم بھی

وہ بھی شاید رو پڑے ویران کاغذ دیکھ کر

میں نے اس کو آخری خط میں لکھا کچھ بھی نہیں

پاس ہمارے آکر تم بیگانہ سے کیوں ہو

چاہو تو ہم پھر کچھ دوری پر چھوڑ آئیں تمہیں

وہ جسے سارے زمانے نے کہا میرا رقیب

میں نے اس کو ہم سفر جانا کہ تو اس کی بھی تھی

نہ سو سکا ہوں نہ شب جاگ کر گزاری ہے

عجیب دن ہیں سکوں ہے نہ بے قراری ہے

لٹ گیا ہے سفر میں جو کچھ تھا

پاس اپنے مکان تک بھی نہیں

اپنی صورت بگڑ گئی لیکن

ہم انہیں آئینہ دکھا کے رہے

خود کو پانے کی طلب میں آرزو اس کی بھی تھی

میں جو مل جاتا تو اس میں آبرو اس کی بھی تھی

گھر سے اس کا بھی نکلنا ہو گیا آخر محال

میری رسوائی سے شہرت کو بہ کو اس کی بھی تھی

برسوں سے کھڑا ہوں ہاتھ اٹھائے

تاثیر دعا کا منتظر ہوں

بعد ترک الفت بھی یوں تو ہم جئے لیکن

وقت بے طرح بیتا عمر بے سبب گزری

تنہائی نہ پوچھ اپنی کہ ساتھ اہل جنوں کے

چلتے ہیں فقط چند قدم راہ کے خم بھی