کی تلاش کا نتیجه | موضو - نظم, صفحہ lash

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "lash"

نظم کے متعلقہ نتیجہ "lash"

نظم

روح مر جاتی ہے تو جسم ہے چلتی ہوئی لاش
اس حقیقت کو سمجھتے ہیں نہ پہچانتے ہیں

ساحر لدھیانوی

نظم

اپنے سینے سے لگائے ہوئے امید کی لاش
مدتوں زیست کو ناشاد کیا ہے میں نے

ساحر لدھیانوی

نظم

اس لاش کو چپکے سے کوئی دفن نہ کر دے
پہلے کوئی سرسیدؔ اعظم کو خبر دے
وہ مرد خدا ہم میں نئی روح تو بھر دے
وہ روح کہ موجود نہ معدوم سے نکلے
اردو کا جنازہ ہے ذرا دھوم سے نکلے

رئیس امروہوی

نظم

اک عمر کے بعد تم ملے ہو
اے میرے وطن کے خوش نواؤ
ہر ہجر کا دن تھا حشر کا دن
دوزخ تھے فراق کے الاؤ
روؤں کہ ہنسوں سمجھ نہ آئے
ہاتھوں میں ہیں پھول دل میں گھاؤ
تم آئے تو ساتھ ہی تمہارے
بچھڑے ہوئے یار یاد آئے
اک زخم پہ تم نے ہاتھ رکھا
اور مجھ کو ہزار یاد آئے
وہ سارے رفیق پا بجولاں
سب کشتۂ دار یاد آئے
ہم سب کا ہے ایک ہی قبیلہ
اک دشت کے سارے ہم سفر ہیں
کچھ وہ ہیں جو دوسروں کی خاطر
آشفتہ نصیب و در بدر ہیں
کچھ وہ ہیں جو خلعت و قبا سے
ایوان شہی میں معتبر ہیں
سقراط و مسیح کے فسانے
تم بھی تو بہت سنا رہے تھے
منصور و حسین سے عقیدت
تم بھی تو بہت جتا رہے تھے
کہتے تھے صداقتیں امر ہیں
اوروں کو یہی بتا رہے تھے
اور اب جو ہیں جا بجا صلیبیں
تم بانسریاں بجا رہے ہو
اور اب جو ہے کربلا کا نقشہ
تم مدح یزید گا رہے ہو
جب سچ تہ تیغ ہو رہا ہے
تم سچ سے نظر چرا رہے ہو
جی چاہتا ہے کہ تم سے پوچھوں
کیا راز اس اجتناب میں ہے
تم اتنے کٹھور تو نہیں تھے
یہ بے حسی کسی حساب میں ہے
تم چپ ہو تو کس طرح سے چپ ہو
جب خلق خدا عذاب میں ہے
سوچو تو تمہیں ملا بھی کیا ہے
اک لقمۂ تر قلم کی قیمت
غیرت کو فروخت کرنے والو
اک کاسۂ زر قلم کی قیمت
پندار کے تاجرو بتاؤ
دربان کا در قلم کی قیمت
ناداں تو نہیں ہو تم کہ سمجھوں
غفلت سے یہ زہر گھولتے ہو
تھامے ہوئے مصلحت کی میزان
ہر شعر کا وزن تولتے ہو
ایسے میں سکوت، چشم پوشی
ایسا ہے کہ جھوٹ بولتے ہو
اک عمر سے عدل و صدق کی لاش
غاصب کی صلیب پر جڑی ہے
اس وقت بھی تم غزل سرا ہو
جب ظلم کی ہر گھڑی کڑی ہے
جنگل پہ لپک رہے ہیں شعلے
طاؤس کو رقص کی پڑی ہے
ہے سب کو عزیز کوئے جاناں
اس راہ میں سب جئے مرے ہیں
ہاں میری بیاض شعر میں بھی
بربادئ دل کے مرثیے ہیں
میں نے بھی کیا ہے ٹوٹ کر عشق
اور ایک نہیں کئی کیے ہیں
لیکن غم عاشقی نہیں ہے
ایسا جو سبک سری سکھائے
یہ غم تو وہ خوش مآل غم ہے
جو کوہ سے جوئے شیر لائے
تیشے کا ہنر قلم کو بخشے
جو قیس کو کوہ کن بنائے
اے حیلہ گران شہر شیریں
آیا ہوں پہاڑ کاٹ کر میں
ہے بے وطنی گواہ میری
ہر چند پھرا ہوں در بدر میں
بیچا نہ غرور نے نوازی
ایسا بھی نہ تھا سبک ہنر میں
تم بھی کبھی ہم نوا تھے میرے
پھر آج تمہیں یہ کیا ہوا ہے
مٹی کے وقار کو نہ بیچو
یہ عہد ستم جہاد کا ہے
دریوزہ گری کے مقبروں سے
زنداں کی فصیل خوشنما ہے
کب ایک ہی رت رہی ہمیشہ
یہ ظلم کی فصل بھی کٹے گی
جب حرف کہے گا قم بہ اذنی
مرتی ہوئی خاک جی اٹھے گی
لیلائے وطن کے پیرہن میں
بارود کی بو نہیں رہے گی
پھر باندھیں گے ابرووں کے دوہے
پھر مدح رخ و دہن کہیں گے
ٹھہرائیں گے ان لبوں کو مطلع
جاناں کے لیے سخن کہیں گے
افسانۂ یار و قصۂ دل
پھر انجمن انجمن کہیں گے

احمد فراز

نظم

تتلی جگنو رنگ و خوشبو
گل و بلبل جیسے
استعارے نہیں ہیں پاس مرے
کیونکے میں نے
سسکتی سلگتی تڑپتی ہوئی
زندگی کو دیکھا ہے
کھلی آنکھ سے
میں نے دیکھی ہے
لہو سے تر سڑکیں
میں نے دیکھے ہیں جنرل وارڈ میں
بے بسی سے ایڑیاں رگڑتے ہوئے
بچے بوڑھے لاچار
میں نے دیکھی ہیں
روٹی کے بدلے
ردا ہوتی ہوئی
تار تار
مرے شعور میں
آج بھی تازہ ہے
سارہ شگفتہؔ کے بنا کفن کے
پھول جیسے بچے کی لاش
میں نے دیکھی ہے
مسجد کی ٹوٹتی ہوئی محراب
اب مری بے نور آنکھیں
کیسے دیکھے کوئی حسین خواب

فوزیہ مغل

نظم

سامنے طاق پہ رکھی ہوئی دو تصویریں
اکثر اوقات مجھے پیار سے یوں تکتی ہیں
جیسے میں دور کسی دیس کا شہزادہ ہوں
میرا کمرہ مرے ماضی کا حقیقی مونس
آج ہر فکر ہر احساس سے بیگانہ ہے
اپنے ہم راز کواڑوں کے احاطے کے عوض
آج میں جیسے مزاروں پہ چلا آیا ہوں
گرد آلودہ کلنڈر پہ اجنتا کے نقوش
میرے چہرے کی لکیروں کی طرف دیکھتے ہیں
جیسے اک لاش کی پھیلی ہوئی بے بس آنکھیں
اپنے مجبور عزیزوں کو تکا کرتی ہیں

مصطفی زیدی

نظم

کچھ کم نہیں اجل سے خواب گراں ہمارا
اک لاش بے کفن ہے ہندوستان ہمارا

چکبست برج نرائن

نظم

نہ سوگ میں ہوں کہ اس کو اوڑھوں
غم و الم خلق کو دکھاؤں
نہ روگ ہوں میں کہ اس کی تاریکیوں میں خفت سے ڈوب جاؤں
نہ میں گناہ گار ہوں نہ مجرم
کہ اس سیاہی کی مہر اپنی جبیں پہ ہر حال میں لگاؤں
اگر نہ گستاخ مجھ کو سمجھیں
اگر میں جاں کی امان پاؤں
تو دست بستہ کروں گزارش
کہ بندہ پرور
حضور کے حجرۂ معطر میں ایک لاشہ پڑا ہوا ہے
نہ جانے کب کا گلا سڑا ہے
یہ آپ سے رحم چاہتا ہے
حضور اتنا کرم تو کیجے
سیاہ چادر مجھے نہ دیجئے
سیاہ چادر سے اپنے حجرے کی بے کفن لاش ڈھانپ دیجئے
کہ اس سے پھوٹی ہے جو عفونت
وہ کوچے کوچے میں ہانپتی ہے
وہ سر پٹکتی ہے چوکھٹوں پر
برہنگی تن کی ڈھانپتی ہے
سنیں ذرا دل خراش چیخیں
بنا رہی ہیں عجب ہیولے
جو چادروں میں بھی ہیں برہنہ

فہمیدہ ریاض

نظم

آ رہا تھا میں کئی کوچوں سے ٹھوکر کھا کر
ایک آواز نے روکا مجھ کو
کسی مینار سے نیچے آ کر
اللہ اکبر اللہ اکبر
ہوا دل کو یہ گماں
کہ یہ پرجوش اذاں
موت سے دے گی اماں
پھر تو پہنچا میں جہاں
میں نے دہرائی کچھ ایسے یہ اذاں
گونج اٹھا سارا جہاں
اللہ اکبر اللہ اکبر
اسی آواز میں اک اور بھی گونجا اعلان
کل من علیہا فان
اک طرف ڈھل گیا خورشید جہاں تاب کا سر
ہوا فالج کا اثر
پھٹ گئی نس کوئی شریانوں میں خوں جم سا گیا
ہو گیا زخمی دماغ
ایسا لگتا تھا کہ بجھ جائے گا جلتا ہے جو صدیوں سے چراغ
آج اندھیرا مری نس نس میں اتر جائے گا
یہ سمندر جو بڑی دیر سے طوفانی تھا
ایسا تڑپا کہ مرے کمرے کے اندر آیا
آتے آتے وہ مرے واسطے امرت لایا
اور لہرا کے کہا
شیو نے یہ بھجوایا ہے لو پیو اور
آج شیو علم ہے امرت ہے عمل
اب وہ آساں ہے جو دشوار تھا کل
رات جو موت کا پیغام لیے آئی تھی
بیوی بچوں نے مرے
اس کو کھڑکی سے پرے پھینک دیا
اور جو وہ زہر کا اک جام لیے آئی تھی
اس نے وہ خود ہی پیا
صبح اتری جو سمندر میں نہانے کے لیے
رات کی لاش ملی پانی میں

کیفی اعظمی

نظم

اک یہی سوز نہاں کل مرا سرمایہ ہے
دوستو میں کسے یہ سوز نہاں نذر کروں
کوئی قاتل سر مقتل نظر آتا ہی نہیں
کس کو دل نذر کروں اور کسے جاں نذر کروں
تم بھی محبوب مرے، تم بھی ہو دل دار مرے
آشنا مجھ سے مگر تم بھی نہیں، تم بھی نہیں
ختم ہے تم پہ مسیحا نفسی، چارہ گری
محرم درد جگر تم بھی نہیں تم بھی نہیں
اپنی لاش آپ اٹھانا کوئی آسان نہیں
دست و بازو مرے ناکارہ ہوئے جاتے ہیں
جن سے ہر دور میں چمکی ہے تمہاری دہلیز
آج سجدے وہی آوارہ ہوئے جاتے ہیں
درد منزل تھی، مگر ایسی بھی کچھ دور نہ تھی
لے کے پھرتی رہی رستے ہی میں وحشت مجھ کو
ایک زخم ایسا نہ کھایا کہ بہار آ جاتی
دار تک لے کے گیا شوق شہادت مجھ کو
راہ میں ٹوٹ گئے پاؤں تو معلوم ہوا
جز مرے اور مرا راہنما کوئی نہیں
ایک کے بعد خدا ایک چلا آتا تھا
کہہ دیا عقل نے تنگ آ کے خدا کوئی نہیں

کیفی اعظمی

نظم

مری قاتلا مری لاش سے یہ بیان لینے کو آئی تھی
نہ دے ملزمہ کو سزا پولس مری قاتلا کوئی اور ہے

دلاور فگار

نظم

میں بھی جھوٹا تم بھی جھوٹے
آؤ چلو تنہا ہو جائیں
کون مریض اور کون مسیحا
اس دکھ سے چھٹکارا پائیں
آنکھیں اپنی خواب بھی اپنے
اپنے خواب کسے دکھلائیں
اپنی اپنی روحوں میں سب
اپنے اپنے کوڑھ سجائیں
اپنے اپنے کندھوں پر سب
اپنی اپنی لاش اٹھائیں
بیٹھ کے اپنے اپنے گھر میں
اپنا اپنا جشن منائیں
شاید لمحۂ آئندہ میں
لوگ ہمیں سچا ٹھہرائیں

عبید اللہ علیم

نظم

بے بس کو دوشی ٹھہرائے اس جنگل کا نیایے
سچ کی لاش پہ کوئی نہ روئے جھوٹ کو سیس نوائے

ساحر لدھیانوی

نظم

فوج حق کو کچل نہیں سکتی
فوج چاہے کسی یزید کی ہو
لاش اٹھتی ہے پھر علم بن کر
لاش چاہے کسی شہید کی ہو

ساحر لدھیانوی

نظم

مجھ پہ تہمت لگائی کسی شخص نے
میرے کردار کی لاش پر پاؤں رکھ کر وہ اونچا ہوا
میرے پیروں کے نیچے زمیں نہ رہی
میں نہیں رو سکا

شعیب کیانی

نظم

کیسے ٹہلتا ہے چاند آسمان پہ
جیسے ضبط کی پہلی منزل
آواز کے علاوہ بھی انسان ہے
آنکھوں کو چھو لینے کی قیمت پہ اداس مت ہو
قبر کی شرم ابھی باقی ہے
ہنسی ہماری موت کی شہادت ہے
لحد میں پیدا ہونے والے بچے
ہماری ماں آنکھ ہے
قبر تو مٹی کا مکر ہے
پھر پرندے سورج سے پہلے کسی کا ذکر کرتے ہیں
آواز کے علاوہ بھی انسان ہے
ٹوٹے ہو
ذرا اور لہو انگار کرو
کہ میں ایک بے لباس عورت ہوں
اور جتنی چاہوں آنکھیں رکھتی ہوں
میں نے آواز کو تراشا ہے
ہے کوئی میرا مجسمہ بنانے والا
اپنی قسمت پہ اداس مت ہو
موت کی شرم ابھی باقی ہے
مجھے چادر دینے والے
تجھے حیا تک دکھ لگ جائیں
مجھے لفظ دینے والے
کاش عورت بھی جنازے کو کاندھا دے سکتی
ہر قدم زنجیر معلوم ہو رہا ہے اور میرا دل تہ کر کے رکھ دیا
گیا ہے شور مجھے لہولہان کر رہا ہے میں
اپنی قید کاٹ رہی ہوں اور اس قید میں کبھی
ہاتھ کاٹ کر پھینک دیتی ہوں کبھی
آواز کاٹ کاٹ کر پھینک رہی ہوں
میرا دل دلدل میں رہنے والا کیڑا ہے اور میں قبر سے
دھتکاری ہوئی لاش
سڑاندی ہی سڑاند سے میری آنکھوں کا
ذائقہ بد روح ہو رہا ہے
اور میں انسان کی پہلی اور آخری غلطی پر دم ہلائے
بھونکتی جا رہی ہوں
میں جب انسان تھی تو چور کی آس تک نہ تھی میں
آنکھوں میں صلیب اور دل میں اپنی لاش
لئے پھرتی ہوں
سچائیوں کے زہر سے مری ہوں
لیکن دنیا گورکن کو ڈھونڈھنے گئی ہوئی ہے
وہ مجھے آباد کرتا ہے اور آباد کہتا ہے
میں ہری بھری پیاس سے زرخیز ہو جاتی ہوں
اور پھولوں کو مٹی میں دبانے لگتی ہوں
درد میرے اژدہے کا نام ہے
اور سانپ کی بھوک میرا گھر ہے

سارا شگفتہ

نظم

ابلیس خندہ زن ہے مذاہب کی لاش پر
پیغمبران دہر کی پیغمبری کی خیر

ساحر لدھیانوی

نظم

مقدس خاک پر بکھرے ہوئے ادھڑے ہوئے اعضا
جنوں کی آگ میں جھلسا ہوا ہر لاش کا چہرہ
اگر پہچان مشکل ہو تو میرا نام لکھ دینا
یہ اعضا میرے اعضا ہیں
یہ چہرہ میرا چہرہ ہے

عشرت آفریں

نظم

رات کے ہاتھ میں اک کاسۂ دریوزہ گری
یہ چمکتے ہوئے تارے یہ دمکتا ہوا چاند
بھیک کے نور میں مانگے کے اجالے میں مگن
یہی ملبوس عروسی ہے یہی ان کا کفن
اس اندھیرے میں وہ مرتے ہوئے جسموں کی کراہ
وہ عزازیل کے کتوں کی کمیں گاہ
''وہ تہذیب کے زخم''
خندقیں
باڑھ کے تار
باڑھ کے تاروں میں الجھے ہوئے انسانوں کے جسم
اور انسانوں کے جسموں پہ وہ بیٹھے ہوئے گدھ
وہ تڑختے ہوئے سر
میتیں ہات کٹی پاؤں کٹی
لاش کے ڈھانچے کے اس پار سے اس پار تلک
سرد ہوا
نوحہ و نالہ و فریاد کناں
شب کے سناٹے میں رونے کی صدا
کبھی بچوں کی کبھی ماؤں کی
چاند کے تاروں کے ماتم کی صدا
رات کے ماتھے پہ آزردہ ستاروں کا ہجوم
صرف خورشید درخشاں کے نکلنے تک ہے
رات کے پاس اندھیرے کے سوا کچھ بھی نہیں
رات کے پاس اندھیرے کے سوا کچھ بھی نہیں

مخدومؔ محی الدین

نظم

راکھ کا سارنگ پہنے
برف کی لاش ہے
لادے کا سا بدن پہنے
گونگی چاہت ہے
رسوائی کا کفن پہنے
ہر ایک قطرہ مقدس ہے میلے آنسو کا
ایک ہجوم اپاہج ہے آب کوثر پر
یہ کیسا شور ہے جو بے آواز پھیلا ہے
رو پہلی چھاؤں میں بد نامیوں کا ڈیرا ہے
یہ کیسی جنت ہے جو چونک چونک جاتی ہے
ایک انتظار مجسم کا نام خاموشی
اور احساس بے کراں پہ یہ سرحد کیسی
در و دیوار کہاں کی آوارگی کے
نور کی وادی تلک لمس کا اک سفر طویل
ہر ایک موڑ پہ بس دو ہی نام ملتے ہیں
موت کہہ لو جو محبت نہیں کہنے پاؤ
اسی کا نام محبت ہے جس کا نام ہے موت

مینا کماری ناز

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے