کی تلاش کا نتیجه | موضو - نظم, صفحہ pho.De

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "pho.De"

نظم کے متعلقہ نتیجہ "pho.De"

نظم

پھنسی کسی کے تن میں سر پر کسی کے پھوڑے
چھاتی یہ گرمی دانے اور پیٹھ میں دودڑے
کھا پوریاں کسی کو ہیں لگ رہے مروڑے
آتے ہیں دست جیسے دوڑیں عراقی گھوڑے
کیا کیا مچی ہیں یارو برسات کی بہاریں

نظیر اکبرآبادی

نظم

پھوڑے پھنسیاں پھوٹیں گے تو کھجلاؤ گے
روتے دھوتے ٹیں ٹیں کرتے گھر آؤ گے
اوپر سے پھر کڑوے تیل کی مالش ہوگی
بارش بارش بارش ہوگی

گلزار

نظم

کالا حد سے بھی کالا تھا
اتنا کالا جتنی تیری سوچ
اتنا کالا جتنی تیرے دل کی کالک
کون تھا کالا
کالا کالا سوچتا جاتا
کھرچ کھرچ کر نوچتا جاتا
اپنا ہونا کھوجتا جاتا
جملوں کی بدبو کے اندر
اپنی خوشبو سونگھتا جاتا
اپنی سگریٹ پھونکتا جاتا
کالے کی سگریٹ بھی کالی
کالے کا گردہ بھی کالا
کالے کی کپی بھی کالی
کالے کی چسکی بھی کالی
کالے کا ہر کش بھی کالا
ہر ہر کش سے لال بھبھوکا
کالے کی آنکھیں بھی کالی
آنکھوں سے گرنے والے سب آنسو کالے
اور کالی آنکھوں میں دکھنے والی
مشکل کی دیوار بھی کالی
کالے کی تو جیت بھی کالی ہار بھی کالی
کالے کے سب بلب بھی کالے
کالے کی سب وائرنگ کالی
وائرنگ وہ جو اندر اندر
سلگ سلگ کر
کالے کی ساری سوچوں کو
اور خوابوں کو
گلا چکی تھی
جلا چکی تھی
جب وہ چلتا تو لگتا وہ لہراتا ہے
چلتے چلتے بل کھاتا ہے
گر جاتا ہے
کالا کیا تھا
کلنگ کا ٹیکہ
زمیں کا دھبہ
کالا جس کی آگ میں جل کر راکھ ہوا تھا
کالے کے اندر کی آگ تھی
یا تھی وہ باہر کی آگ
آگ بھی کالی
دھواں بھی کالا راکھ بھی کالی
آگ سے اٹھنے والا اک اک شعلہ کالا
کالے کی بے بسی بھی کالی
کالے کی کھجلی بھی کالی
کالے کے سب پھوڑے پھنسی چھالے کالے
کالے کو سب کالا کہنے والے کالے
اک دن کالی سڑک کنارے
بنگالی کے پان کے کیبن کی جالی کو تھامے کالا
گھور رہا تھا آتے جاتے
رنگ برنگے کرداروں کو
رکشا موٹر سائیکل اور کاروں کو
اک لمبی سی کالی گاڑی
دھواں اڑاتی
چیختی اور چلاتی گزری
گہرے کالے بالوں والی گوری بچی
ایک گلی سے بھاگتی نکلی
کالا بھاگا
اور گوری بچی کو پورے زور سے دھکا دے کر
کالی گاڑی کے دھکے کو خود پر جھیلا
کالا جاتے جاتے سب سے کیسا کھیلا
گوری بچی بچ گئی لیکن
کالا اپنی جاں دے بیٹھا
پیلے لال گلابی چہرے
کالے کی جانب جب لپکے
سب نے دیکھا
کالے کی آنکھوں میں چیخ رہا تھا ایک سوال
کالے کے زخموں سے بہنے والا خون تھا لال

عمران شمشاد نرمی

نظم

ایک اہرام نہ چن لوں صفت دود حریر
کوئی آئے تو بس اک گنبد در بستہ ملے
راز سر بستہ ملے
لاکھ سر پھوڑے صدا کوئی نہ مجھ تک پہنچے
قاصد موج ہوا کوئی نہ مجھ تک پہنچے
اب کے دیوار میں دروازہ رکھوں یا نہ رکھوں
سارے اندیشے مگر ایک طرف
ایک طرف تیری امید
جانے کس وقت ادھر تیری سواری آ جائے
اجنبی لاکھ کوئی میری فصیلیں ڈھا جائے
مجھ کو دیوار میں دروازہ لگانا ہوگا

خورشید رضوی

نظم

وہ ایک ساحل کی شام تھی جب
ہمارے اعزاز میں خوشی سے
حباب پھوڑے تھے مچھلیوں نے
سلام ہر موج نے کیا تھا
قریب تر دیکھ کر
سمندر نے اپنا دامن ہمارے جلووں سے
بھر لیا تھا
وہ اپنی موجوں کا اور تلاطم کا عکس
شاید ہماری آنکھوں میں دیکھتا تھا

جاوید احمد

نظم

ساجدہ کن یگوں کی مسافت سمیٹے ہوئے
اس بیاباں میں یوں ہی بھٹکتی رہو گی
ان بگولوں کے ہم راہ یوں رقص کرتی رہو گی
کتنے صحراؤں میں تم نے پھوڑے ہیں پاؤں کے چھالے
کتنی بیدار راتوں سے مانگا ہے تم نے خراج تمنا
ساجدہ کچھ کہو
ہجر کی کن زمانوں میں اشکوں کی مالا پروئی
کن حسابوں چکایا قرض جنوں
کون سے مرحلوں سے گزر کر بنا روح کا پیرہن
کس طرح جاں سے گزرے ہیں طوفان غم

ساجدہ زیدی

نظم

میں راہوں کا
مقدر ہوں
ستم دیکھو
مرے سینے پہ پھوڑے پھنسیاں اب بھی
گڑھوں کی شکل میں
پھیلی ہوئی ہیں

غیاث متین

نظم

نہیں معلوم زریونؔ اب تمہاری عمر کیا ہوگی
وہ کن خوابوں سے جانے آشنا نا آشنا ہوگی
تمہارے دل کے اس دنیا سے کیسے سلسلے ہوں گے
تمہیں کیسے گماں ہوں گے تمہیں کیسے گلے ہوں گے
تمہاری صبح جانے کن خیالوں سے نہاتی ہو
تمہاری شام جانے کن ملالوں سے نبھاتی ہو
نہ جانے کون دوشیزہ تمہاری زندگی ہوگی
نہ جانے اس کی کیا بایستگی شائستگی ہوگی
اسے تم فون کرتے اور خط لکھتے رہے ہو گے
نہ جانے تم نے کتنی کم غلط اردو لکھی ہوگی
یہ خط لکھنا تو دقیانوس کی پیڑھی کا قصہ ہے
یہ صنف نثر ہم نابالغوں کے فن کا حصہ ہے
وہ ہنستی ہو تو شاید تم نہ رہ پاتے ہو حالوں میں
گڑھا ننھا سا پڑ جاتا ہو شاید اس کے گالوں میں
گماں یہ ہے تمہاری بھی رسائی نارسائی ہو
وہ آئی ہو تمہارے پاس لیکن آ نہ پائی ہو
وہ شاید مائدے کی گند بریانی نہ کھاتی ہو
وہ نان بے خمیر میدہ کم تر ہی چباتی ہو
وہ دوشیزہ بھی شاید داستانوں کی ہو دل دادہ
اسے معلوم ہوگا زالؔ تھا سہرابؔ کا دادا
تہمتن یعنی رستمؔ تھا گرامی سامؔ کا وارث
گرامی سامؔ تھا صلب نر مانیؔ کا خوش زادہ
(یہ میری ایک خواہش ہے جو مشکل ہے)
وہ نجمؔ آفندی مرحوم کو تو جانتی ہوگی
وہ نوحوں کے ادب کا طرز تو پہچانتی ہوگی
اسے کد ہوگی شاید ان سبھی سے جو لپاڑی ہوں
نہ ہوں گے خواب اس کا جو گویے اور کھلاڑی ہوں

جون ایلیا

نظم

نا چنچل کھیل جوانی کے نا پیار کی الھڑ گھاتیں تھیں
بس راہ میں ان کا ملنا تھا یا فون پہ ان کی باتیں تھیں
اس عشق پہ ہم بھی ہنستے تھے بے حاصل سا بے حاصل تھا
اک زور بپھرتے ساگر میں نا کشتی تھی نا ساحل تھا
جو بات تھی ان کے جی میں تھی جو بھید تھا یکسر انجانا
اس بستی کے اک کوچے میں اک انشاؔ نام کا دیوانا

ابن انشا

نظم

میں کیوں اس کو فون کروں!
اس کے بھی تو علم میں ہوگا
کل شب
موسم کی پہلی بارش تھی!

پروین شاکر

نظم

پھر دنیا والوں نے تم سے
یہ ساغر لے کر پھوڑ دیا
جو مے تھی بہا دی مٹی میں
مہمان کا شہپر توڑ دیا

فیض احمد فیض

نظم

زندگی کو گزارنے کے لئے
وقت کا زہر مارنے کے لئے
اپنا غصہ اتارنے کے لئے
فون پر شب گزارنے کے لئے
دوست سچ مچ بہت ضروری ہیں

شکیل جمالی

نظم

اپنے فون پہ اپنا نمبر
بار بار ڈائل کرتی ہوں
سوچ رہی ہوں
کب تک اس کا ٹیلیفون انگیج رہے گا
دل کڑھتا ہے
اتنی اتنی دیر تلک
وہ کس سے باتیں کرتا ہے!

پروین شاکر

نظم

میری تائید سے ڈھالے گئے میں مجرم ہوں
پٹریاں ریل کی سڑکوں کی بسیں فون کے تار
تیری اور میری خطاؤں کی سزا کیوں بھگتیں

ساحر لدھیانوی

نظم

کل ہمیشہ کی طرح اس نے کہا یہ فون پر
میں بہت مصروف ہوں مجھ کو بہت سے کام ہیں
اس لیے تم آؤ ملنے میں تو آ سکتی نہیں
ہر روایت توڑ کر اس بار میں نے کہہ دیا
تم جو ہو مصروف تو میں بھی بہت مصروف ہوں
تم جو ہو مشہور تو میں بھی بہت معروف ہوں
تم اگر غمگین ہو میں بھی بہت رنجور ہوں
تم تھکن سے چور تو میں بھی تھکن سے چور ہوں
جان من ہے وقت میرا بھی بہت ہی قیمتی
کچھ پرانے دوستوں نے ملنے آنا ہے ابھی
میں بھی اب فارغ نہیں مجھ کو بھی لاکھوں کام ہیں
ورنہ کہنے کو تو سب لمحے تمہارے نام ہیں
میری آنکھیں بھی بہت بوجھل ہیں سونا ہے مجھے
رتجگوں کے بعد اب نیندوں میں کھونا ہے مجھے
میں لہو اپنی اناؤں کا بہا سکتا نہیں
تم نہیں آتیں تو ملنے میں بھی آ سکتا نہیں
اس کو یہ کہہ کے وصیؔ میں نے ریسیور رکھ دیا
اور پھر اپنی انا کے پاؤں پہ سر رکھ دیا

وصی شاہ

نظم

کیا ضروری ہے کہ ہم فون پہ باتیں بھی کریں
کیا ضروری ہے کہ ہر لفظ مہکنے بھی لگے
کیا ضروری ہے کہ ہر زخم سے خوشبو آئے
کیا ضروری ہے وفادار رہیں ہم دونوں
کیا ضروری ہے دوا ساری اثر کر جائے
کیا ضروری ہے کہ ہر خواب ہم اچھا دیکھیں
کیا ضروری ہے کہ جو چاہیں وہی ہو جائے
کیا ضروری ہے کہ موسم ہو ہمارا ساتھی
کیا ضروری ہے سفر میں کہیں سایہ بھی ملے
کیا ضروری ہے تبسم یوں ہی موجود رہے
کیا ضروری ہے ہر اک راہ میں جگنو چمکیں
کیا ضروری ہے کہ اشکوں کو روانی بھی ملے
کیا ضروری ہے کہ ملنا ہی مقدر ٹھہرے
کیا ضروری ہے کہ ہر روز ملیں ہم دونوں
ہم جہاں گاؤں بسائیں وہاں اک جھیل بھی ہو
کیا ضروری ہے محبت تری تکمیل بھی ہو

منور رانا

نظم

فون پر کس کو سناؤں گی میں اپنا حال زار
کس کی باتیں سن کے آئے گا مرے دل کو قرار
کون پونچھے گا مرے بہتے ہوئے اشکوں کی دھار
کون پانی پڑھ کے دے گا ہوگا جب مجھ کو بخار
دل میں وحشت کا بسیرا ماں ترے جانے کے بعد
دم گھٹا جاتا ہے میرا ماں ترے جانے کے بعد

شہناز پروین شازی

نظم

وہ بچھڑا ہے تو یاد آیا
وہ اکثر مجھ سے کہتا تھا
محبت وہ نہیں ہے جو یہ نسل نو سمجھتی ہے
یہ پہروں فون پر باتیں
یہ آئے دن ملاقاتیں
اگر یہ سب محبت ہے
تو تف ایسی محبت پر
محبت تو محبت ہے
وصال و وصل کی خواہش سے بالاتر
کہا کرتا
محبت قرب کی خواہش پہ آئے تو سمجھ لینا
ہوس نے سر اٹھایا ہے
ہوس کیا ہے
فقط جسموں کی پامالی فقط تذلیل روحوں کی
کہا کرتا محبت اور ہوتی ہے
ہوس کچھ اور ہوتی ہے
سو جب بھی قرب کی خواہش پہ آ جائے محبت تو
سنو پھر دیر مت کرنا وہیں رستہ بدل لینا
وہ بچھڑا ہے تو یاد آیا

میثم علی آغا

نظم

یوں لگتا ہے
ساری بستی
جیسے اک دکھتا پھوڑا ہے
یوں لگتا ہے
ساری بستی
جیسے ہے اک جلتا کڑھاؤ
یوں لگتا ہے
جیسے خدا نکڑ پر بیٹھا
ٹوٹے پھوٹے انساں
اونے پونے داموں
بیچ رہا ہے!

جاوید اختر

نظم

اپنا بھی وہ دوست تھا ہم بھی پاس اس کے بیٹھ آتے ہیں
ادھر ادھر کے قصے کہہ کے جی اس کا بہلاتے ہیں
اکھڑی اکھڑی بات کرے ہے بھول کے اگلا یارانا
کون ہو تم کس کام سے آئے؟ ہم نے نہ تم کا پہچانا
جانے یہ کس نے چوٹ لگائی جانے یہ کس کو پیار کرے
تمہی کہو ہم کس کو ڈھونڈیں آہیں کھینچے نام نہ لے
پیت میں ایسے جان سے یارو کتنے لوگ گزرتے ہیں
پیت میں ناحق مر نہیں جاتے پیت تو سارے کرتے ہیں
اے متوالو ناقوں والو! نگری نگری جاتے ہو
کہیں جو اس کی جان کا بیری مل جائے یہ بات کہو
چاک گریباں اک دوانہ پھرتا ہے حیراں حیراں
پتھر سے سر پھوڑ مرے گا دیوانے کو صبر کہاں
تم چاہو تو بستی چھوڑے تم چاہو تو دشت بسائے
اے متوالو ناقوں والو ورنہ اک دن یہ ہوگا
تم لوگوں سے آتے جاتے پوچھیں گے انشاؔ کا پتا

ابن انشا

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے