سیاسی پر اشعار

میں آج زد پہ اگر ہوں تو خوش گمان نہ ہو

چراغ سب کے بجھیں گے ہوا کسی کی نہیں

ایسا گلشن کی سیاست نے کیا ہے پابند

ہم اسیران قفس آہ بھی کرنے کے نہیں

نئی لاشیں بچھانے کے لیے ہی

گڑے مردے اکھاڑے جا رہے ہیں

تمھارے ساتھ تعلق تو دوستانہ تھا

تم اس میں رنگ سیاست کہاں سے لے آئے

ملے گی سیٹ الیکشن میں آپ کو اک دن

اگر یہ چمچہ گری کامیاب ہو جائے

جب شیخ و برہمن سے ہوا دل مایوس

شیطان نے نیتاؤں کو تیار کیا

ہے بجٹ گھاٹے میں جرمانے ضروری ہیں یہاں

اس لیے سرکار میری لوٹ کر کھانے کو ہے

دستخط تو مجھے بھی آتا ہے

کاش میں بھی وزیر ہو جاؤں

کیوں جھجکتی ہو مجھ کو ملنے سے

میں کوئی سابقہ وزیر نہیں

ضرورت بھوکی جنتا کو فقط راشن کی ہے لیکن

دیا کرتے ہیں بھاشن ہی سر بازار مرغی کے

تو ہر طرح کے سبھی کام لے غلاموں سے

غلام گر نہیں ملتے غلام پیدا کر

کیک بسکٹ کھائیں گے الو کے پٹھے رات دن

اور شریفوں کے لیے آٹا گراں ہو جائے گا

ہیں ہمارے جتنے لیڈر سبھی بھٹے چور کیوں ہیں

کوئی چارہ ساز ہوتا کوئی غم گسار ہوتا

غریبی کیا مٹائیں گے غریبوں کو مٹا دیں گے

کیا کرتے ہیں کالے دھن کا خود بیوپار مرغی کے

جو مذہبی تھے مسائل وہ اب سیاسی ہیں

یہیں تو دال میں کالا ہے کیا کیا جائے

پریشانی بد امنی اور مہنگائی کی حالت میں

حکومت چل تو سکتی ہے گرہستی چل نہیں سکتی

کہا نیتا نے بھوک ہڑتال کر کے دوسرے ہی دن

اب اس سے آگے میری فاقہ مستی چل نہیں سکتی

زندگی ہو مری نیتاؤں کی صورت یا رب

ہو فقط اپنی غرض سے ہی محبت یا رب

خاتون رہنما سے جو شادی ہوئی مری

جمہوریت کا حسن مرے گھر میں آ گیا

نیتا ہے دل کا چاہے تو دل سے نکال دے

لیکن ہمارے گھپلوں کی فرد سزا نہ مانگ

کچھ بھی پیتے نہیں یہ قوم کی یخنی کے سوا

ناشتہ ملت بیضا کا کیا کرتے ہیں

کوئی اچھی وزارت گر کسی ممبر کو مل جائے

تو باقی کے وزیروں کو بڑی تکلیف ہوتی ہے

جو عارضی ہی سہی چند راحتیں لے کر

ضمیر بیچ دیں ایسے عوام پیدا کر

لگائیں گے وہ آگ اب بھاشنوں سے

جنہیں جادو بیانی دی گئی ہے

اک بڑے اخبار نے چھاپی خبر یہ اس طرح

ایک قومی رہنما کا پیر بھاری ہو گیا

شانتی والوں سے جب کرسی چھنی

سب کے سب ہڑبونگ ہلا بن گئے

حالات بدل سکتے ہیں منانؔ کسی وقت

بن جائیں گے اب صاحب دستار تماشہ

کیا کرتے ہیں وعدے تو ہزاروں ووٹ سے پہلے

مگر لگتے ہیں کرنے بعد میں انکار مرغی کے

ووٹ لیتے ہو بھول جاتے ہو

دیکھو غداریاں نہیں اچھی

معدوم اگر کرنی ہے اندر کی سیاہی

سوچوں سے کرپشن کی یہ طاعون نکالو

عظمت ملک اس سیاست کے

ہاتھ نیلام ہو رہی ہے اب

بات منوانی ہے ارباب حکومت سے اگر

نت نئے ڈھونگ رچا دھوم مچا مائی ڈیئر

ہیں کواکب کچھ نظر آتے ہیں کچھ

دیتے ہیں دھوکہ یے بازی گر کھلا