آفْتاب پر اشعار

یہ چاند سا چہرہ ہے کہ سورج کی کرن ہے

زلفیں ہیں تری رات سہانی ہے کہ کیا ہے

افق پہ یادوں کے زرد آنچل میں لپٹا سورج

اور اس پہ شاموں کے ساتھ ڈھلتی عجیب سی چپ

آپ کے شہر میں سورج تو نکلنے سے رہا

ایک مشعل ہی مرے ہات میں رہنے دیجے

سورج لہولہان سمندر میں گر پڑا

دن کا غرور ٹوٹ گیا شام ہو گئی

آؤ اب اپنے دھیان کا سورج اگائیں ہم

ہے میکدے میں شور بپا شام ہو گئی

سیاہ راتوں میں ہر شے ڈبو چکا ہوں مگر

وہ ایک درد کا سورج کہ ڈوبتا بھی نہیں

یہ طاقچوں میں رکھے سب چراغ سورج ہیں

اگر وہ چاند سا چہرہ ہمارا ہو جائے