Best Aankhen Shayari

kabhī kabhī to chhalak paḌtī haiñ yūñhī āñkheñ

udaas hone kā koī sabab nahīñ hotā

kabhi kabhi to chhalak paDti hain yunhi aankhen

udas hone ka koi sabab nahin hota

bahut se ḳhvāb dekhoge to āñkheñ

tumhārā saath denā chhoḌ deñgī

bahut se KHwab dekhoge to aankhen

tumhaara sath dena chhoD dengi

kabhī āñkheñ kitāb meñ gum haiñ

kabhī gum hai kitāb āñkhoñ meñ

kabhi aankhen kitab mein gum hain

kabhi gum hai kitab aankhon mein

āñkheñ saaqī kī jab se dekhī haiñ

ham se do ghūñT pī nahīñ jaatī

aankhen saqi ki jab se dekhi hain

hum se do ghunT pi nahin jati

āñkheñ batā rahī haiñ ki jaage ho raat ko

in sāġharoñ meñ bū-e-sharāb-e-visāl hai

aankhen bata rahi hain ki jage ho raat ko

in sagharon mein bu-e-sharab-e-visal hai

bahut roī huī lagtī haiñ āñkheñ

mirī ḳhātir zarā kājal lagā lo

bahut roi hui lagti hain aankhen

meri KHatir zara kajal laga lo

aao āñkheñ milā ke dekhte haiñ

kaun kitnā udaas rahtā hai

aao aankhen mila ke dekhte hain

kaun kitna udas rahta hai

āñkheñ kholo ḳhvāb sameTo jaago bhī

'alvī' pyāre dekho saalā din niklā

aankhen kholo KHwab sameTo jago bhi

'alwi' pyare dekho sala din nikla

ab ke basant aa.ī to āñkheñ ujaḌ ga.iiñ

sarsoñ ke khet meñ koī patta harā na thā

ab ke basant aai to aankhen ujaD gain

sarson ke khet mein koi patta hara na tha

āñkheñ haiñ magar ḳhvāb se mahrūm haiñ 'mid.hat'

tasvīr kā rishta nahīñ rañgoñ se zarā bhī

aankhen hain magar KHwab se mahrum hain 'midhat'

taswir ka rishta nahin rangon se zara bhi