بے وفائی کی شاعری

بے وفائی پہ تیری جی ہے فدا

قہر ہوتا جو باوفا ہوتا

جو ملا اس نے بے وفائی کی

کچھ عجب رنگ ہے زمانے کا

تو اس طرح سے مرے ساتھ بے وفائی کر

کہ تیرے بعد مجھے کوئی بے وفا نہ لگے

گلہ لکھوں میں اگر تیری بے وفائی کا

لہو میں غرق سفینہ ہو آشنائی کا

ہم نے عالم سے بے وفائی کی

ایک معشوق بے وفا کے لیے

وفا پر ناز ہم کو ان کو اپنی بے وفائی پر

کوئی منہ آئنہ میں دیکھتا ہے کوئی پانی میں

عمر بھر اس نے بے وفائی کی

عمر سے بھی وہ باوفا نہ رہا

میں کس لیے تجھے الزام بے وفائی دوں

کہ میں تو آپ ہی پتھر ہوں اپنے رستے کا

وہ کہتے ہیں یہ ساری بے وفائی ہے محبت کی

نہ مضطرؔ بے وفا میں ہوں نہ مضطرؔ بے وفا تم ہو

رنگ کیا عجب دیا میری بے وفائی کو

اس نے یوں کیا کہ میرے خط جلائے عود میں