بیسٹ مغفرت شاعری

یہ لاش بے کفن اسدؔ خستہ جاں کی ہے

حق مغفرت کرے عجب آزاد مرد تھا

کہتے ہیں آج ذوقؔ جہاں سے گزر گیا

کیا خوب آدمی تھا خدا مغفرت کرے

اب خدا مغفرت کرے اس کی

میرؔ مرحوم تھا عجب کوئی

مغفرت کی نظر آتی ہے بس اتنی صورت

ہم گناہوں سے پشیمان رہا کرتے ہیں

ہاں خدا مغفرت کرے اس کو

صبر مرحوم تھا عجب کوئی

پا لیا اہل جنوں نے پھر شہادت کا مقام

عقل والے مغفرت کی ہی دعا مانگا کئے

مولیٰ سے مغفرت کے علاوہ دعا میں شادؔ

کچھ اور مانگنے کی جسارت کبھی نہ کی

تباہی تک تو آ پہنچے بہ فیض مغفرت واعظ

خدارا اب تو میر کارواں کا ذکر کرنے دو

سنتے ہیں ایک فیضؔ غریب الدیار تھا

حق مغفرت کرے کہ قضا ہو گیا وہ شخص

سمجھتا ہوں وسیلہ مغفرت کا شرم عصیاں کو

کہ اشکوں سے مرے دھل جائے گا دامان تر میرا

ہمیں واعظ ڈراتا کیوں ہے دوزخ کے عذابوں سے

معاصی گو ہمارے بیش ہوں کچھ مغفرت کم ہے