chāñd kā husn bhī zamīn se hai

chāñd par chāndnī nahīñ hotī

chand ka husn bhi zamin se hai

chand par chandni nahin hoti

likhne ko likh rahe haiñ ġhazab kī kahāniyāñ

likkhī na jā sakī magar apnī hī dāstāñ

likhne ko likh rahe hain ghazab ki kahaniyan

likkhi na ja saki magar apni hi dastan

husn banā jab bahtī gañgā

ishq huā kāġhaz kī naav

husn bana jab bahti ganga

ishq hua kaghaz ki naw

zamīn kī kokh hī zaḳhmī nahīñ andheroñ se

hai āsmāñ ke bhī siine pe āftāb kā zaḳhm

zamin ki kokh hi zaKHmi nahin andheron se

hai aasman ke bhi sine pe aaftab ka zaKHm

dil sā khilaunā haath aayā hai

khelo toḌo jī bahlāo

dil sa khilauna hath aaya hai

khelo toDo ji bahlao

bil-āḳhir thak haar ke yaaro ham ne bhī taslīm kiyā

apnī zaat se ishq hai sachchā baaqī sab afsāne haiñ

bil-aKHir thak haar ke yaro hum ne bhi taslim kiya

apni zat se ishq hai sachcha baqi sab afsane hain

Duub jaane kī lazzateñ mat pūchh

kaun aise meñ paar utrā hai

Dub jaane ki lazzaten mat puchh

kaun aise mein par utra hai

din ke bhūle ko raat Dastī hai

shaam ko vāpsī nahīñ hotī

din ke bhule ko raat Dasti hai

sham ko wapsi nahin hoti

dekh kar merā dasht-e-tanhā.ī

rañg-e-rū-e-bahār utrā hai

dekh kar mera dasht-e-tanhai

rang-e-ru-e-bahaar utra hai

ajiib baat hai kīchaḌ meñ lahlahā.e kañval

phaTe purāne se jismoñ pe saj ke resham aa.e

ajib baat hai kichaD mein lahlahae kanwal

phaTe purane se jismon pe saj ke resham aae

bujh gayā dil to ḳharābī huī hai

phir kisī shola-jabīñ se miliye

bujh gaya dil to KHarabi hui hai

phir kisi shola-jabin se miliye