aaj ik aur baras biit gayā us ke baġhair
jis ke hote hue hote the zamāne mere
zindagī kam paḌhe pardesī kā ḳhat hai 'ibrat'
ye kisī tarah paḌhā jaa.e na samjhā jaa.e
zindagi kam paDhe pardesi ka KHat hai 'ibrat'
ye kisi tarah paDha jae na samjha jae
vo chāñd hai to aks bhī paanī meñ aa.egā
kirdār ḳhud ubhar ke kahānī meñ aa.egā
wo chand hai to aks bhi pani mein aaega
kirdar KHud ubhar ke kahani mein aaega
rāsta sochte rahne se kidhar bantā hai
sar meñ saudā ho to dīvār meñ dar bantā hai
rasta sochte rahne se kidhar banta hai
sar mein sauda ho to diwar mein dar banta hai
tū kahānī hī ke parde meñ bhalī lagtī hai
zindagī terī haqīqat nahīñ dekhī jaatī
tu kahani hi ke parde mein bhali lagti hai
zindagi teri haqiqat nahin dekhi jati
ye kyā tilism hai kyuuñ raat bhar sisaktā huuñ
vo kaun hai jo diyoñ meñ jalā rahā hai mujhe
ye kya tilism hai kyun raat bhar sisakta hun
wo kaun hai jo diyon mein jala raha hai mujhe
Jashn-e-Rekhta | 13-14-15 December 2024 - Jawaharlal Nehru Stadium , Gate No. 1, New Delhi
Devoted to the preservation & promotion of Urdu
A Trilingual Treasure of Urdu Words
Online Treasure of Sufi and Sant Poetry
World of Hindi language and literature
The best way to learn Urdu online
Best of Urdu & Hindi Books