ٹاپ 5 اردو شاعری| ریختہ

ذہن میں یاد کے گھر ٹوٹنے لگتے ہیں شہابؔ

لوگ ہو جاتے ہیں جی جی کے پرانے کتنے

مصطفی شہاب

انہیں اپنے دل کی خبریں مرے دل سے مل رہی ہیں

میں جو ان سے روٹھ جاؤں تو پیام تک نہ پہنچے

شکیل بدایونی

زندگی کم پڑھے پردیسی کا خط ہے عبرتؔ

یہ کسی طرح پڑھا جائے نہ سمجھا جائے

عبرت مچھلی شہری

ٹوٹے بت مسجد بنی مسمار بت خانہ ہوا

جب تو اک صورت بھی تھی اب صاف ویرانہ ہوا

رند لکھنوی

سرخ رو ہوتا ہے انساں ٹھوکریں کھانے کے بعد

رنگ لاتی ہے حنا پتھر پہ پس جانے کے بعد

سید محمد مست کلکتوی

آج کے منتخب ۵ شعر