tire jamāl kī tasvīr khīñch duuñ lekin

zabāñ meñ aañkh nahīñ aañkh meñ zabān nahīñ

tere jamal ki taswir khinch dun lekin

zaban mein aankh nahin aankh mein zaban nahin

terī āñkhoñ kā kuchh qusūr nahīñ

haañ mujhī ko ḳharāb honā thā

teri aankhon ka kuchh qusur nahin

han mujhi ko KHarab hona tha

un kā jo farz hai vo ahl-e-siyāsat jāneñ

merā paiġhām mohabbat hai jahāñ tak pahuñche

un ka jo farz hai wo ahl-e-siyasat jaanen

mera paigham mohabbat hai jahan tak pahunche

mirī zindagī to guzrī tire hijr ke sahāre

mirī maut ko bhī pyāre koī chāhiye bahāna

meri zindagi to guzri tere hijr ke sahaare

meri maut ko bhi pyare koi chahiye bahana

ham ne siine se lagāyā dil na apnā ban sakā

muskurā kar tum ne dekhā dil tumhārā ho gayā

hum ne sine se lagaya dil na apna ban saka

muskura kar tum ne dekha dil tumhaara ho gaya

jahl-e-ḳhirad ne din ye dikhā.e

ghaT ga.e insāñ baḌh ga.e saa.e

jahl-e-KHirad ne din ye dikhae

ghaT gae insan baDh gae sae

yuuñ zindagī guzār rahā huuñ tire baġhair

jaise koī gunāh kiye jā rahā huuñ maiñ

yun zindagi guzar raha hun tere baghair

jaise koi gunah kiye ja raha hun main

ibtidā vo thī ki jiinā thā mohabbat meñ muhāl

intihā ye hai ki ab marnā bhī mushkil ho gayā

ibtida wo thi ki jina tha mohabbat mein muhaal

intiha ye hai ki ab marna bhi mushkil ho gaya

ham ko miTā sake ye zamāne meñ dam nahīñ

ham se zamāna ḳhud hai zamāne se ham nahīñ

hum ko miTa sake ye zamane mein dam nahin

hum se zamana KHud hai zamane se hum nahin

hamīñ jab na hoñge to kyā rañg-e-mahfil

kise dekh kar aap sharmā.iyegā

hamin jab na honge to kya rang-e-mahfil

kise dekh kar aap sharmaiyega

ishq jab tak na kar chuke rusvā

aadmī kaam kā nahīñ hotā

ishq jab tak na kar chuke ruswa

aadmi kaam ka nahin hota

jo tūfānoñ meñ palte jā rahe haiñ

vahī duniyā badalte jā rahe haiñ

jo tufanon mein palte ja rahe hain

wahi duniya badalte ja rahe hain

donoñ hāthoñ se lūTtī hai hameñ

kitnī zālim hai terī añgḌā.ī

donon hathon se luTti hai hamein

kitni zalim hai teri angDai

le ke ḳhat un kā kiyā zabt bahut kuchh lekin

thartharāte hue hāthoñ ne bharam khol diyā

le ke KHat un ka kiya zabt bahut kuchh lekin

thartharaate hue hathon ne bharam khol diya

sadāqat ho to dil sīnoñ se khiñchne lagte haiñ vaa.iz

haqīqat ḳhud ko manvā letī hai maanī nahīñ jaatī

sadaqat ho to dil sinon se khinchne lagte hain waiz

haqiqat KHud ko manwa leti hai mani nahin jati

us ne apnā banā ke chhoḌ diyā

kyā asīrī hai kyā rihā.ī hai

us ne apna bana ke chhoD diya

kya asiri hai kya rihai hai

dil ko sukūn ruuh ko ārām aa gayā

maut aa ga.ī ki dost kā paiġhām aa gayā

dil ko sukun ruh ko aaram aa gaya

maut aa gai ki dost ka paigham aa gaya

apnā zamāna aap banāte haiñ ahl-e-dil

ham vo nahīñ ki jin ko zamāna banā gayā

apna zamana aap banate hain ahl-e-dil

hum wo nahin ki jin ko zamana bana gaya

mohabbat meñ ik aisā vaqt bhī dil par guzartā hai

ki aañsū ḳhushk ho jaate haiñ tuġhyānī nahīñ jaatī

mohabbat mein ek aisa waqt bhi dil par guzarta hai

ki aansu KHushk ho jate hain tughyani nahin jati

ye ishq nahīñ āsāñ itnā hī samajh liije

ik aag kā dariyā hai aur Duub ke jaanā hai

ye ishq nahin aasan itna hi samajh lije

ek aag ka dariya hai aur Dub ke jaana hai