jahāñ tak paañv mere jā sake haiñ

vahīñ tak rāsta Thahrā huā hai

jahan tak panw mere ja sake hain

wahin tak rasta Thahra hua hai

na jaane kaun fazāoñ meñ zahr ghol gayā

harā-bharā sā shajar be-libās kaisā hai

na jaane kaun fazaon mein zahr ghol gaya

hara-bhara sa shajar be-libas kaisa hai

maiñ bhī tanhā is taraf huuñ vo bhī tanhā us taraf

maiñ pareshāñ huuñ to huuñ vo bhī pareshānī meñ hai

main bhi tanha is taraf hun wo bhi tanha us taraf

main pareshan hun to hun wo bhi pareshani mein hai

kyuuñ vo milne se gurezāñ is qadar hone lage

mere un ke darmiyāñ dīvār rakh jaatā hai kaun

kyun wo milne se gurezan is qadar hone lage

mere un ke darmiyan diwar rakh jata hai kaun

vahī qātil vahī munsif banā hai

usī se faisla Thahrā huā hai

wahi qatil wahi munsif bana hai

usi se faisla Thahra hua hai

maiñ ne jo kuchh bhī likkhā hai

vo sab harf-e-ā.inda hai

main ne jo kuchh bhi likkha hai

wo sab harf-e-ainda hai

ye maiñ huuñ ḳhud ki koī aur hai ta.āqub meñ

ye ek saaya pas-e-rahguzār kis kā hai

ye main hun KHud ki koi aur hai taaqub mein

ye ek saya pas-e-rahguzar kis ka hai

use khilaunoñ se baḌh kar hai fikr roTī kī

hamāre daur kā bachcha janam se būḌhā hai

use khilaunon se baDh kar hai fikr roTi ki

hamare daur ka bachcha janam se buDha hai

kuchh haqā.eq ke zinda paikar haiñ

lafz meñ kyā bayān meñ kyā hai

kuchh haqaeq ke zinda paikar hain

lafz mein kya bayan mein kya hai

vaqt ke dāman meñ koī

apnī ek kahānī rakh

waqt ke daman mein koi

apni ek kahani rakh

sab ko dikhlātā hai vo chhoTā banā kar mujh ko

mujh ko vo mere barābar nahīñ hone detā

sab ko dikhlata hai wo chhoTa bana kar mujh ko

mujh ko wo mere barabar nahin hone deta

vo baḌā thā phir bhī vo is qadar be-faiz thā

us ghanere peḌ meñ jaise koī saaya na thā

wo baDa tha phir bhi wo is qadar be-faiz tha

us ghanere peD mein jaise koi saya na tha

jafā ke zikr pe vo bad-havās kaisā hai

zarā sī baat thī lekin udaas kaisā hai

jafa ke zikr pe wo bad-hawas kaisa hai

zara si baat thi lekin udas kaisa hai

un ke lab par mirā gila hī sahī

yaad karne kā silsila to hai

un ke lab par mera gila hi sahi

yaad karne ka silsila to hai

havā-e-tund kaisī chal paḌī hai

shajar par ek bhī pattā nahīñ hai

hawa-e-tund kaisi chal paDi hai

shajar par ek bhi patta nahin hai

koī column nahīñ hai hādsoñ par

bachā kar aaj kā aḳhbār rakhnā

koi column nahin hai hadson par

bacha kar aaj ka aKHbar rakhna

ab nishāna us kī apnī zaat hai

laḌ rahā hai ik anokhī jañg vo

ab nishana us ki apni zat hai

laD raha hai ek anokhi jang wo

mirī qindīl-e-jāñ jaltī hai shab bhar

zarā apnī bhī to rūdād-e-shab likh

meri qindil-e-jaan jalti hai shab bhar

zara apni bhi to rudad-e-shab likh

kaun patthar uThā.e

ye shajar be-samar hai

kaun patthar uThae

ye shajar be-samar hai

patte patte se naġhma-sarā kaun hai

ai havā tere andar chhupā kaun hai

patte patte se naghma-sara kaun hai

ai hawa tere andar chhupa kaun hai