tumhārā husn ārā.ish tumhārī sādgī zevar

tumheñ koī zarūrat hī nahīñ banñe sañvarne kī

tumhaara husn aaraish tumhaari sadgi zewar

tumhein koi zarurat hi nahin banne sanwarne ki

idhar se aaj vo guzre to muñh phere hue guzre

ab un se bhī hamārī be-kasī dekhī nahīñ jaatī

idhar se aaj wo guzre to munh phere hue guzre

ab un se bhi hamari be-kasi dekhi nahin jati

zindagī aur zindagī kī yādgār

parda aur parde pe kuchh parchhā.iyāñ

zindagi aur zindagi ki yaadgar

parda aur parde pe kuchh parchhaiyan

ishq se log manā karte haiñ

jaise kuchh iḳhtiyār hai apnā

ishq se log mana karte hain

jaise kuchh iKHtiyar hai apna

bhūlne vaale ko shāyad yaad va.ada aa gayā

mujh ko dekhā muskurāyā ḳhud-ba-ḳhud sharmā gayā

bhulne wale ko shayad yaad wada aa gaya

mujh ko dekha muskuraya KHud-ba-KHud sharma gaya

bahāna mil na jaa.e bijliyoñ ko TuuT paḌne kā

kaleja kāñptā hai āshiyāñ ko āshiyāñ kahte

bahana mil na jae bijliyon ko TuT paDne ka

kaleja kanpta hai aashiyan ko aashiyan kahte

ye sochte hī rahe aur bahār ḳhatm huī

kahāñ chaman meñ nasheman bane kahāñ na bane

ye sochte hi rahe aur bahaar KHatm hui

kahan chaman mein nasheman bane kahan na bane

aah kis se kaheñ ki ham kyā the

sab yahī dekhte haiñ kyā haiñ ham

aah kis se kahen ki hum kya the

sab yahi dekhte hain kya hain hum

phirte hue kisī kī nazar dekhte rahe

dil ḳhuun ho rahā thā magar dekhte rahe

phirte hue kisi ki nazar dekhte rahe

dil KHun ho raha tha magar dekhte rahe

jo aap kaheñ us meñ ye pahlū hai vo pahlū

aur ham jo kaheñ baat meñ vo baat nahīñ hai

jo aap kahen us mein ye pahlu hai wo pahlu

aur hum jo kahen baat mein wo baat nahin hai

kyā kyā duā.eñ māñgte haiñ sab magar 'asar'

apnī yahī duā hai koī mudda.ā na ho

kya kya duaen mangte hain sab magar 'asar'

apni yahi dua hai koi muddaa na ho

aap kā ḳhat nahīñ milā mujh ko

daulat-e-do-jahāñ milī mujh ko

aap ka KHat nahin mila mujh ko

daulat-e-do-jahan mili mujh ko

ik baat bhalā pūchheñ kis tarah manāoge

jaise koī rūThā hai aur tum ko manānā hai

ek baat bhala puchhen kis tarah manaoge

jaise koi ruTha hai aur tum ko manana hai

qāsid payām un kā na kuchh der abhī sunā

rahne de mahv-e-lazzat-e-zauq-e-ḳhabar mujhe

qasid payam un ka na kuchh der abhi suna

rahne de mahw-e-lazzat-e-zauq-e-KHabar mujhe

jo sazā diije hai bajā mujh ko

tujh se karnī na thī vafā mujh ko

jo saza dije hai baja mujh ko

tujh se karni na thi wafa mujh ko

kuchh der fikr ālam-e-bālā kī chhoḌ do

is anjuman kā raaz isī anjuman meñ hai

kuchh der fikr aalam-e-baala ki chhoD do

is anjuman ka raaz isi anjuman mein hai

palkeñ ghanerī gopiyoñ kī Toh liye hue

rādhā ke jhāñkne kā jharoka ġhazab ġhazab

palken ghaneri gopiyon ki Toh liye hue

radha ke jhankne ka jharoka ghazab ghazab

aaj kuchh mehrbān hai sayyād

kyā nasheman bhī ho gayā barbād

aaj kuchh mehrban hai sayyaad

kya nasheman bhi ho gaya barbaad

karam par bhī hotā hai dhokā sitam kā

yahāñ tak alam-āshnā ho ga.e ham

karam par bhi hota hai dhoka sitam ka

yahan tak alam-ashna ho gae hum

sanā terī nahīñ mumkin zabāñ se

ma.ānī duur phirte haiñ bayāñ se

sana teri nahin mumkin zaban se

maani dur phirte hain bayan se

baat khote jo iltijā karte

ai dil-e-nā-murād kyā karte

baat khote jo iltija karte

ai dil-e-na-murad kya karte

ek ujḌā huā diyā huuñ maiñ

aage aaya hai sab kiyā merā

ek ujDa hua diya hun main

aage aaya hai sab kiya mera