یہ راہ عشق ہے آخر کوئی مذاق نہیں

صعوبتوں سے جو گھبرا گئے ہوں گھر جائیں

فرشتہ ہے تو تقدس تجھے مبارک ہو

ہم آدمی ہیں تو عیب و ہنر بھی رکھتے ہیں

لمحہ لمحہ مجھے ویران کئے دیتا ہے

بس گیا میرے تصور میں یہ چہرہ کس کا

اس شہر میں تو کچھ نہیں رسوائی کے سوا

اے دلؔ یہ عشق لے کے کدھر آ گیا تجھے

نہ گرد و پیش سے اس درجہ بے نیاز گزر

جو بے خبر سے ہیں سب کی خبر بھی رکھتے ہیں

یہ دلچسپ وعدے یہ رنگیں دلاسے

عجب سازشیں ہیں کہاں آ گیا ہوں

کہاں میں ابھی تک نظر آ سکا ہوں

خدا جانے کتنی تہوں میں چھپا ہوں

حسیں ہے شہر تو عجلت میں کیوں گزر جائیں

جنون شوق اسے بھی نہال کر جائیں

پھر مرحلۂ خواب بہاراں سے گزر جا

موسم ہے سہانا تو گریباں سے گزر جا