گرنتھ اک پریم کا پڑھا مجھ کو

اور کتابوں کا گیان رہنے دے

آگ دریا کو اشاروں سے لگانے والا

اب کے روٹھا ہے بہت مجھ کو منانے والا

اسیر زلف کو شاید یہیں رہائی ہے

پکارتا ہوں جسے وہ صدا میں آیا ہے

اسے تم چاند سے تشبیہ دینا

کہ اس کے ہاتھ میں خنجر کھلا تھا

دل جو اب شور کرتا رہتا ہے

کس قدر بے زبان تھا پہلے

اسی کے شعر سبھی اور اسی کے افسانے

اسی کی پیاس کا بادل گھٹا میں آیا ہے

میرے دکھ کی دوا بھی رکھتا ہے

خود کو مجھ سے جدا بھی رکھتا ہے

میں انساں تھا خدا ہونے سے پہلے

انا الحق کی انا ہونے سے پہلے

دیوار و در سا چاہیے دیوار و در مجھے

دیوانگی میں یاد نہیں اپنا گھر مجھے

لطف منزل حوصلوں سے آ لگا تھا گام گام

تو سفر میں ساتھ تھا تو راستہ اچھا لگا

وہ جسم روح خلا آسمان ہے کیا ہے

کہ رنگ کوئی ہو اس سے جدا نہیں ملتا