maiñ to apnī jaan pe khel ke pyaar kī baazī jiit gayā

qātil haar ga.e jo ab tak ḳhuun ke chhīñTe dhote haiñ

main to apni jaan pe khel ke pyar ki bazi jit gaya

qatil haar gae jo ab tak KHun ke chhinTe dhote hain

alakh jamā.e dhūnī ramā.e dhyān lagā.e rahte haiñ

pyaar hamārā maslak hai ham prem-gurū ke chele haiñ

alakh jamae dhuni ramae dhyan lagae rahte hain

pyar hamara maslak hai hum prem-guru ke chele hain

apnā ghar shahr-e-ḳhamoshāñ sā hai

kaun aa.egā yahāñ shaam Dhale

apna ghar shahr-e-KHamoshan sa hai

kaun aaega yahan sham Dhale

tum un ko sazā kyuuñ nahīñ dete ki jinhoñ ne

mujrim kā zamīr aur sukūñ luuT liyā hai

tum un ko saza kyun nahin dete ki jinhon ne

mujrim ka zamir aur sukun luT liya hai

kārzār-e-ishq-o-sar-mastī meñ nusrat-yāb hoñ

vo junūnī daar tak jaane ko jo betāb huuñ

karzar-e-ishq-o-sar-masti mein nusrat-yab hon

wo jununi dar tak jaane ko jo betab hun

rain baḌī kalmohī kaayā chhāyā ek kare

uushā kī jai ho har aashā aslī ruup bhare

rain baDi kalmohi kaya chhaya ek kare

usha ki jai ho har aasha asli rup bhare

añdhiyārī rātoñ ke raahī rain hai aisī ghor

sharan ke kāran dastak do to bastī jaane chor

andhiyari raaton ke rahi rain hai aisi ghor

sharan ke karan dastak do to basti jaane chor

kiich hī kiich hai niil kañval tak kaa.e karūñ upaa.e

ik pal khīñch nikārūñ duujā aur bhī dhañstā jaa.e

kich hi kich hai nil kanwal tak kae karun upae

ek pal khinch nikarun duja aur bhi dhansta jae