dil jahāñ baat kare dil hī jahāñ baat sune

kār-e-dushvār hai us tarz meñ kahnā achchhā

dil jahan baat kare dil hi jahan baat sune

kar-e-dushwar hai us tarz mein kahna achchha

tapish gulzār tak pahuñchī lahū dīvār tak aayā

charāġh-e-ḳhud-kalāmī kā dhuāñ bāzār tak aayā

tapish gulzar tak pahunchi lahu diwar tak aaya

charagh-e-KHud-kalami ka dhuan bazar tak aaya

shāḳh-e-tanhā.ī se phir niklī bahār-e-fasl-e-zāt

apnī sūrat par hue ham phir bahāl us ke liye

shaKH-e-tanhai se phir nikli bahaar-e-fasl-e-zat

apni surat par hue hum phir bahaal us ke liye

koī tashbīh kā ḳhurshīd na talmīh kā chāñd

sar-e-qirtās lagā harf-e-barhana achchhā

koi tashbih ka KHurshid na talmih ka chand

sar-e-qirtas laga harf-e-barhana achchha