ab ġham kā koī ġham na ḳhushī kī ḳhushī mujhe

āḳhir ko raas aa hī ga.ī zindagī mujhe

ab gham ka koi gham na KHushi ki KHushi mujhe

aaKHir ko ras aa hi gai zindagi mujhe

gavārā hī na thī jin ko judā.ī merī dam-bhar kī

unhīñ se aaj merī shakl pahchānī nahīñ jaatī

gawara hi na thi jin ko judai meri dam-bhar ki

unhin se aaj meri shakl pahchani nahin jati

kabhī ik baar haule se pukārā thā mujhe tum ne

kisī kī mujh se ab āvāz pahchānī nahīñ jaatī

kabhi ek bar haule se pukara tha mujhe tum ne

kisi ki mujh se ab aawaz pahchani nahin jati

tavāf-e-māh karnā aur ḳhalā meñ saañs lenā kyā

bharosa jab nahīñ insān ko insān ke dil par

tawaf-e-mah karna aur KHala mein sans lena kya

bharosa jab nahin insan ko insan ke dil par

hamīñ ne chun liye phūloñ ke badle ḳhaar dāman meñ

faqat gulchīñ ke sar ilzām Thahrāyā nahīñ jaatā

hamin ne chun liye phulon ke badle KHar daman mein

faqat gulchin ke sar ilzam Thahraya nahin jata

yārab mire gunāh kyā aur ehtisāb kyā

kuchh dī nahīñ hai ḳhizr sī umr-e-ravāñ mujhe

yarab mere gunah kya aur ehtisab kya

kuchh di nahin hai KHizr si umr-e-rawan mujhe

udhar vo ahd-o-paimān-e-vafā kī baat karte haiñ

idhar mashq-e-sitam bhī tark farmāyā nahīñ jaatā

udhar wo ahd-o-paiman-e-wafa ki baat karte hain

idhar mashq-e-sitam bhi tark farmaya nahin jata

maiñ vo riñd-e-nau nahīñ huuñ jo zarā sī pī ke bahkūñ

abhī aur aur saaqī ki maiñ phir sambhal rahā huuñ

main wo rind-e-nau nahin hun jo zara si pi ke bahkun

abhi aur aur saqi ki main phir sambhal raha hun

vo apne dāman-e-pāra pe bhī nigāh kare

jahāñ meñ mujh pe uThā kar jo uñgliyāñ guzre

wo apne daman-e-para pe bhi nigah kare

jahan mein mujh pe uTha kar jo ungliyan guzre