tujh se parda nahīñ mire ġham kā

tū mirī zindagī kā mahram hai

tujh se parda nahin mere gham ka

tu meri zindagi ka mahram hai

dil na ka.aba hai ne kalīsā hai

terā ghar hai harīm-e-mariyam hai

dil na kaba hai ne kalisa hai

tera ghar hai harim-e-mariyam hai

ab na vo josh-e-vafā hai na vo andāz-e-talab

ab bhī lekin tire kūche se guzar hotā hai

ab na wo josh-e-wafa hai na wo andaz-e-talab

ab bhi lekin tere kuche se guzar hota hai

biThā ke sāmne tum ko bahār meñ pī hai

tumhāre riñd ne tauba bhī rū-ba-rū kar lī

biTha ke samne tum ko bahaar mein pi hai

tumhaare rind ne tauba bhi ru-ba-ru kar li

koī to ḳhair kā pahlū bhī nikle

akelā kis tarah ye shar rahegā

koi to KHair ka pahlu bhi nikle

akela kis tarah ye shar rahega

ḳhaak ne kitne bad-atvār kiye haiñ paidā

ye na hote to usī ḳhaak se kyā kyā hotā

KHak ne kitne bad-atwar kiye hain paida

ye na hote to usi KHak se kya kya hota

ḳhālī bhī to kar ḳhāna-e-dil duniyā se

is ghar meñ mirī jaan ḳhudā aa.egā

KHali bhi to kar KHana-e-dil duniya se

is ghar mein meri jaan KHuda aaega

aao ḳhush ho ke piyo kuchh na kaho vaa.iz ko

mai-kade meñ vo tamāshā.ī hai kuchh aur nahīñ

aao KHush ho ke piyo kuchh na kaho waiz ko

mai-kade mein wo tamashai hai kuchh aur nahin

ilaaj us kā guzar jaanā hai jaañ se

guzar jaane kā jaañ se Dar rahegā

ilaj us ka guzar jaana hai jaan se

guzar jaane ka jaan se Dar rahega

ġhalat hai jazba-e-dil par nahīñ koī ilzām

ḳhushī milī na hameñ jab to ġham kī ḳhū kar lī

ghalat hai jazba-e-dil par nahin koi ilzam

KHushi mili na hamein jab to gham ki KHu kar li

merī duniyā meñ abhī raqs-e-sharar hotā hai

jo bhī hotā hai ba-andāz-e-digar hotā hai

meri duniya mein abhi raqs-e-sharar hota hai

jo bhi hota hai ba-andaz-e-digar hota hai

niklo bhī kabhī sūd-o-ziyāñ se varna

kūche meñ tire kaun bhalā aa.egā

niklo bhi kabhi sud-o-ziyan se warna

kuche mein tere kaun bhala aaega

kyuuñ huā mujh ko ināyat kī nazar kā saudā

aaj rusvā.ī hī rusvā.ī hai kuchh aur nahīñ

kyun hua mujh ko inayat ki nazar ka sauda

aaj ruswai hi ruswai hai kuchh aur nahin