va.ada-e-vasl gar kisī se nahīñ

aap kyuuñ be-qarār phirte haiñ

wada-e-wasl gar kisi se nahin

aap kyun be-qarar phirte hain

tire kūche meñ koī huur aa jaatī to maiñ kahtā

ki vo jannat to kyā jannat hai jannat aisī hotī hai

tere kuche mein koi hur aa jati to main kahta

ki wo jannat to kya jannat hai jannat aisi hoti hai

apnā saanī vo aap hī nikle

aa.ina bhī dikhā ke dekh liyā

apna sani wo aap hi nikle

aaina bhi dikha ke dekh liya

apne mauqe pe har ik baat bhalī hotī hai

shab-e-furqat meñ ye sadme bhī mazā dete haiñ

apne mauqe pe har ek baat bhali hoti hai

shab-e-furqat mein ye sadme bhi maza dete hain

zikr kartā hai is tarah merā

mujh ko goyā miTā.e jaatā hai

zikr karta hai is tarah mera

mujh ko goya miTae jata hai

agar nazāra hai manzūr ḳhastā-hāloñ kā

to aao khol deñ juuḌā tumhāre bāloñ kā

agar nazara hai manzur KHasta-haalon ka

to aao khol den juDa tumhaare baalon ka

ek rutba hai tire dar pe gadā-o-shah kā

āsmāñ kaae liye phirtā hai mehr-o-mah kā

ek rutba hai tere dar pe gada-o-shah ka

aasman kae liye phirta hai mehr-o-mah ka

so ga.e sunte hī sunte vo dil-e-zār kā haal

jis ko ham samjhe the afsūñ vahī afsāna huā

so gae sunte hi sunte wo dil-e-zar ka haal

jis ko hum samjhe the afsun wahi afsana hua

tū sar na gūñdh ki shāgird hone vaalā hai

mirā nasīb tire lambe lambe bāloñ kā

tu sar na gundh ki shagird hone wala hai

mera nasib tere lambe lambe baalon ka

sāqī-e-gulfām ne rakkhī to hai bhar kar sharāb

Dar hai uḌ jaa.e na shīshe se parī ban kar sharāb

saqi-e-gulfam ne rakkhi to hai bhar kar sharab

Dar hai uD jae na shishe se pari ban kar sharab

jalva nigāh meñ hai kisī be-niyāz kā

putlī hamārī aañkh kī putlā hai naaz kā

jalwa nigah mein hai kisi be-niyaz ka

putli hamari aankh ki putla hai naz ka

aa.ine maiñ dikhā ke kahtā huuñ

aap hī haiñ ki dūsrā kahiye

aaine main dikha ke kahta hun

aap hi hain ki dusra kahiye

aarzū ik but kī le kar jaate haiñ ka.abe ko ham

turfa tohfa paas hai ahl-e-haram ke vāste

aarzu ek but ki le kar jate hain kabe ko hum

turfa tohfa pas hai ahl-e-haram ke waste

pahlū meñ agar dil hai to tū dil meñ hai mere

go nañg-e-ḳhalā.eq huuñ magar jān-e-jahāñ huuñ

pahlu mein agar dil hai to tu dil mein hai mere

go nang-e-KHalaeq hun magar jaan-e-jahan hun

na chitvan aap kī Thahrī na dil mirā Thahrā

use sukūñ ho to is ko bhī kuchh qarār rahe

na chitwan aap ki Thahri na dil mera Thahra

use sukun ho to is ko bhi kuchh qarar rahe

ḳhāk-e-āshiq se jo ugtā hai muġhīlāñ kā daraḳht

us kī mizhgāñ kā hai marqad meñ bhī khaTkā baaqī

KHak-e-ashiq se jo ugta hai mughilan ka daraKHt

us ki mizhgan ka hai marqad mein bhi khaTka baqi

yā ilāhī is dil-e-betāb kī ta.amīr meñ

kis ne patthar rakh diyā thā ishq kī buniyād kā

ya ilahi is dil-e-betab ki tamir mein

kis ne patthar rakh diya tha ishq ki buniyaad ka

gadā-e-kūcha-e-jānāñ huuñ martaba hai baḌā

ki mere naam hai jāgīr be-navā.ī kī

gada-e-kucha-e-jaanan hun martaba hai baDa

ki mere nam hai jagir be-nawai ki

mujhe tum dekh kar samjho ki chāhat aisī hotī hai

mohabbat vo burī shai hai ki hālat aisī hotī hai

mujhe tum dekh kar samjho ki chahat aisi hoti hai

mohabbat wo buri shai hai ki haalat aisi hoti hai

vo nairañgiyāñ un ke rone meñ bhī

ki hañste rahe sab hasīñ der tak

wo nairangiyan un ke rone mein bhi

ki hanste rahe sab hasin der tak