pūchhnā chāñd kā patā 'āzar'

jab akele meñ raat mil jaa.e

puchhna chand ka pata 'azar'

jab akele mein raat mil jae

haar jā.egī yaqīnan tīrgī

gar musalsal raushnī zinda rahī

haar jaegi yaqinan tirgi

gar musalsal raushni zinda rahi

havā ke dosh par lagtā hai uḌne

jo patta TuuT jaatā hai shajar se

hawa ke dosh par lagta hai uDne

jo patta TuT jata hai shajar se

ḳhatm hotā hī nahīñ merā safar

koī thak-hār gayā hai mujh meñ

KHatm hota hi nahin mera safar

koi thak-haar gaya hai mujh mein

koī manzil kabhī nahīñ aa.ī

rāste meñ thā rāste meñ huuñ

koi manzil kabhi nahin aai

raste mein tha raste mein hun

chalūñgā kab talak tanhā safar meñ

mujhe miltā nahīñ hai kārvāñ kyuuñ

chalunga kab talak tanha safar mein

mujhe milta nahin hai karwan kyun

tū bhale merā e'tibār na kar

zindagī maiñ tire kahe meñ huuñ

tu bhale mera e'tibar na kar

zindagi main tere kahe mein hun

paaoñ se kāñTā nikal jaa.e agar

apnī raftār baḌhā luuñ maiñ bhī

paon se kanTa nikal jae agar

apni raftar baDha lun main bhi

maar detī hai zindagī Thokar

zehn jab ulTe paañv chaltā hai

mar deti hai zindagi Thokar

zehn jab ulTe panw chalta hai

aisī hone lagī thakan us ko

din ke Dhalte hī so gayā rasta

aisi hone lagi thakan us ko

din ke Dhalte hi so gaya rasta

khulā makān hai har ek zindagī 'āzar'

havā ke saath darīchoñ se ḳhvāb aate haiñ

khula makan hai har ek zindagi 'azar'

hawa ke sath darichon se KHwab aate hain