safar meñ koī kisī ke liye Thahartā nahīñ

na muḌ ke dekhā kabhī sāhiloñ ko dariyā ne

safar mein koi kisi ke liye Thaharta nahin

na muD ke dekha kabhi sahilon ko dariya ne

yaad ā.eñge zamāne ko misāloñ ke liye

jaise bosīda kitābeñ hoñ havāloñ ke liye

yaad aaenge zamane ko misalon ke liye

jaise bosida kitaben hon hawalon ke liye

pukārā jab mujhe tanhā.ī ne to yaad aayā

ki apne saath bahut muḳhtasar rahā huuñ maiñ

pukara jab mujhe tanhai ne to yaad aaya

ki apne sath bahut muKHtasar raha hun main

kitne shikve gile haiñ pahle hī

raah meñ fāsle haiñ pahle hī

kitne shikwe gile hain pahle hi

rah mein fasle hain pahle hi

do dariyā bhī jab aapas meñ milte haiñ

donoñ apnī apnī pyaas bujhāte haiñ

do dariya bhi jab aapas mein milte hain

donon apni apni pyas bujhate hain

na.ī manzil kā junūñ tohmat-e-gumrāhī hai

pā-shikasta bhī tirī raah meñ kahlāyā huuñ

nai manzil ka junun tohmat-e-gumrahi hai

pa-shikasta bhi teri rah mein kahlaya hun

yahī hai daur-e-ġham-e-āshiqī to kyā hogā

isī tarah se kaTī zindagī to kyā hogā

yahi hai daur-e-gham-e-ashiqi to kya hoga

isi tarah se kaTi zindagi to kya hoga

ham ek fikr ke paikar haiñ ik ḳhayāl ke phuul

tirā vajūd nahīñ hai to merā saayā nahīñ

hum ek fikr ke paikar hain ek KHayal ke phul

tera wajud nahin hai to mera saya nahin

tumhāre saath hī us ko bhī Duub jaanā hai

ye jāntā hai musāfir tire safīne kā

tumhaare sath hi us ko bhi Dub jaana hai

ye jaanta hai musafir tere safine ka

hazār tark-e-vafā kā ḳhayāl ho lekin

jo rū-ba-rū hoñ to baḌh kar gale lagā lenā

hazar tark-e-wafa ka KHayal ho lekin

jo ru-ba-ru hon to baDh kar gale laga lena

kyā zamāna hai ye kyā log haiñ kyā duniyā hai

jaisā chāhe koī vaisā nahīñ rahne dete

kya zamana hai ye kya log hain kya duniya hai

jaisa chahe koi waisa nahin rahne dete

dīvāreñ khaḌī huī haiñ lekin

andar se makān gir rahā hai

diwaren khaDi hui hain lekin

andar se makan gir raha hai

jalte mausam meñ koī fāriġh nazar aatā nahīñ

Dūbtā jaatā hai har ik peḌ apnī chhāñv meñ

jalte mausam mein koi farigh nazar aata nahin

Dubta jata hai har ek peD apni chhanw mein

mansūr se kam nahīñ hai vo bhī

jo apnī zabāñ se boltā hai

mansur se kam nahin hai wo bhi

jo apni zaban se bolta hai

mohabbatoñ kī shikastoñ kā ik ḳharāba huuñ

ḳhudārā mujh ko girāo ki maiñ dobārā banūñ

mohabbaton ki shikaston ka ek KHaraba hun

KHudara mujh ko girao ki main dobara banun

jitne the tere mahke hue āñchaloñ ke rañg

sab titliyoñ ne aur dhanak ne uḌā liye

jitne the tere mahke hue aanchalon ke rang

sab titliyon ne aur dhanak ne uDa liye

zindagī meñ aisī kuchh tuġhyāniyāñ aatī rahīñ

bah ga.iiñ haiñ umr bhar kī nekiyāñ dariyāoñ meñ

zindagi mein aisi kuchh tughyaniyan aati rahin

bah gain hain umr bhar ki nekiyan dariyaon mein

ham se insāñ kī ḳhajālat nahīñ dekhī jaatī

kam-savādoñ kā bharam ham ne ravā rakkhā hai

hum se insan ki KHajalat nahin dekhi jati

kam-sawadon ka bharam hum ne rawa rakkha hai

masīh-e-vaqt sahī ham ko us se kyā lenā

kabhī mile bhī to kuchh dard-e-dil baḌhā lenā

masih-e-waqt sahi hum ko us se kya lena

kabhi mile bhi to kuchh dard-e-dil baDha lena

us rind-e-siyah-mast kā īmān na pūchho

tishna ho to maḳhlūq hai pī le to ḳhudā ho

us rind-e-siyah-mast ka iman na puchho

tishna ho to maKHluq hai pi le to KHuda ho