haiñ raakh raakh magar aaj tak nahīñ bikhre

kaho havā se hamārī misāl le aa.e

hain rakh rakh magar aaj tak nahin bikhre

kaho hawa se hamari misal le aae

vaqt ik mauj hai aatā hai guzar jaatā hai

Duub jaate haiñ jo lamhāt ubharte kab haiñ

waqt ek mauj hai aata hai guzar jata hai

Dub jate hain jo lamhat ubharte kab hain

jhuuT sach meñ koī pahchān kare bhī kaise

jo haqīqat kā hī meyār fasāna Thahrā

jhuT sach mein koi pahchan kare bhi kaise

jo haqiqat ka hi meyar fasana Thahra

apne hī fan kī aag meñ jalte rahe 'shamīm'

hoñToñ pe sab ke hausla-afzā.ī rah ga.ī

apne hi fan ki aag mein jalte rahe 'shamim'

honTon pe sab ke hausla-afzai rah gai

dhuup chhūtī hai badan ko jab 'shamīm'

barf ke sūraj pighal jaate haiñ kyuuñ

dhup chhuti hai badan ko jab 'shamim'

barf ke suraj pighal jate hain kyun

har ek lafz meñ poshīda ik alaao na rakh

hai dostī to takalluf kā rakh-rakhāo na rakh

har ek lafz mein poshida ek alao na rakh

hai dosti to takalluf ka rakh-rakhao na rakh

hisār-e-zāt se kaT kar to jī nahīñ sakte

bhañvar kī zad se yuuñ mahfūz apnī naav na rakh

hisar-e-zat se kaT kar to ji nahin sakte

bhanwar ki zad se yun mahfuz apni naw na rakh