jaam le kar mujh se vo kahtā hai apne muñh ko pher

rū-ba-rū yuuñ tere mai piine se sharmāte haiñ ham

jam le kar mujh se wo kahta hai apne munh ko pher

ru-ba-ru yun tere mai pine se sharmate hain hum

vo lutf uThā.egā safar kā

āp-apne meñ jo safar karegā

wo lutf uThaega safar ka

aap-apne mein jo safar karega

mujhe jo dostī hai us ko dushmanī mujh se

na iḳhtiyār hai us kā na merā chārā hai

mujhe jo dosti hai us ko dushmani mujh se

na iKHtiyar hai us ka na mera chaara hai

merī ye aarzū hai vaqt-e-marg

us kī āvāz kaan meñ aave

meri ye aarzu hai waqt-e-marg

us ki aawaz kan mein aawe

haath se mere vo piitā nahīñ muddat se sharāb

yaaro kyā apnī ḳhushī maiñ ne pilānā chhoḌā

hath se mere wo pita nahin muddat se sharab

yaro kya apni KHushi main ne pilana chhoDa

kiyā badnām ik aalam ne 'ġhamgīñ' pāk-bāzī meñ

jo maiñ terī tarah se bad-nazar hotā to kyā hotā

kiya badnam ek aalam ne 'ghamgin' pak-bazi mein

jo main teri tarah se bad-nazar hota to kya hota

koī samjhāo unheñ bahr-e-ḳhudā ai momino

us sanam ke ishq meñ jo mujh ko samjhāte haiñ log

koi samjhao unhen bahr-e-KHuda ai momino

us sanam ke ishq mein jo mujh ko samjhate hain log

sham.a-rū āshiq ko apne yuuñ jalānā chāhiye

kuchh hañsānā chāhiye aur kuchh rulānā chāhiye

shama-ru aashiq ko apne yun jalana chahiye

kuchh hansana chahiye aur kuchh rulana chahiye

'ġhamgīñ' jo ek aan pe tere adā huā

kyā ḳhush adā use tirī ai ḳhush-adā lagī

'ghamgin' jo ek aan pe tere ada hua

kya KHush ada use teri ai KHush-ada lagi