Sharm Shayari

Shyness is one of the most lovable qualities of the beloved. It characterizes her and adds beauty to her being. Classical Urdu poets have used the image of the shy beloved quite frequently and created most fascinating studies of the lady love. You may like to view some of those states of the beloved’s being in this selection.

hamīñ jab na hoñge to kyā rañg-e-mahfil

kise dekh kar aap sharmā.iyegā

hamin jab na honge to kya rang-e-mahfil

kise dekh kar aap sharmaiyega

Jigar Moradabadi

jaam le kar mujh se vo kahtā hai apne muñh ko pher

rū-ba-rū yuuñ tere mai piine se sharmāte haiñ ham

jam le kar mujh se wo kahta hai apne munh ko pher

ru-ba-ru yun tere mai pine se sharmate hain hum

Ghamgeen Dehlvi

mohabbat ke iqrār se sharm kab tak

kabhī sāmnā ho to majbūr kar duuñ

mohabbat ke iqrar se sharm kab tak

kabhi samna ho to majbur kar dun

Akhtar Shirani

dekh kar ham ko na parde meñ chhup jaayā kar

ham to apne haiñ miyāñ ġhair se sharmāyā kar

dekh kar hum ko na parde mein tu chhup jaya kar

hum to apne hain miyan ghair se sharmaya kar

Mushafi Ghulam Hamdani

us husn sheva hai jab ishq nazar aa.e

parde meñ chale jaanā sharmā.e hue rahnā

us husn ka shewa hai jab ishq nazar aae

parde mein chale jaana sharmae hue rahna

Muneer Niyazi

milā kar ḳhaak meñ bhī haa.e sharm un nahīñ jaatī

nigah nīchī kiye vo sāmne madfan ke baiThe haiñ

mila kar KHak mein bhi hae sharm un ki nahin jati

nigah nichi kiye wo samne madfan ke baiThe hain

Ameer Minai

sharm bhī ik tarah chorī hai

vo badan ko churā.e baiThe haiñ

sharm bhi ek tarah ki chori hai

wo badan ko churae baiThe hain

Anwar Dehlvi

shab-e-vasl kyā jaane kyā yaad aayā

vo kuchh aap aap sharmā rahe haiñ

shab-e-wasl kya jaane kya yaad aaya

wo kuchh aap hi aap sharma rahe hain

Javed Lakhnvi

naam merā sunte sharmā ga.e

tum ne to ḳhud aap ko rusvā kiyā

nam mera sunte hi sharma gae

tum ne to KHud aap ko ruswa kiya

Naseem Dehlvi

Added to your favorites

Removed from your favorites