ġharībī amīrī hai qismat kā saudā

milo aadmī kī tarah aadmī se

gharibi amiri hai qismat ka sauda

milo aadmi ki tarah aadmi se

husn hai kāfir banāne ke liye

ishq hai īmān laane ke liye

husn hai kafir banane ke liye

ishq hai iman lane ke liye

mujhe ai rahnumā ab chhoḌ tanhā

maiñ ḳhud ko āzmānā chāhtā huuñ

mujhe ai rahnuma ab chhoD tanha

main KHud ko aazmana chahta hun

rah rah ke kauñdtī haiñ andhere meñ bijliyāñ

tum yaad kar rahe ho ki yaad aa rahe ho tum

rah rah ke kaundti hain andhere mein bijliyan

tum yaad kar rahe ho ki yaad aa rahe ho tum

hañs hañs ke apnā dāman-e-rañgīñ diyā mujhe

aur maiñ ne taar taar kiyā haa.e kyā kiyā

hans hans ke apna daman-e-rangin diya mujhe

aur main ne tar tar kiya hae kya kiya

kuchh mirī be-qarāriyāñ kuchh mirī nā-tavāniyāñ

kuchh tirī rahmatoñ kā hai haath mire gunāh meñ

kuchh meri be-qarariyan kuchh meri na-tawaniyan

kuchh teri rahmaton ka hai hath mere gunah mein

guloñ se nahīñ shāḳh ke dil se pūchho

ki ye bad-numā ḳhaar kitnā hasīñ hai

gulon se nahin shaKH ke dil se puchho

ki ye bad-numa KHar kitna hasin hai