یہ جفاؤں کی سزا ہے کہ تماشائی ہے تو

یہ وفاؤں کی سزا ہے کہ پئے دار ہوں میں

عمر ہی تیری گزر جائے گی ان کے حل میں

تیرا بچہ جو سوالات لیے بیٹھا ہے

گر نہ جائے ترے معیار سے انداز حروف

یوں کبھی نام بھی تیرا نہیں لکھا میں نے

آج کا خط ہی اسے بھیجا ہے کورا لیکن

آج کا خط ہی ادھورا نہیں لکھا میں نے

یہ بزرگوں کی روا داری کے پژمردہ گلاب

آبیاری چاہتے ہیں ان میں چنگاری نہ رکھ

مقام ضبط غم عشق میں وہ پیدا کر

کہ تو خوشی کو نہ ترسے تجھے خوشی ترسے

تو ہنسی لے کے مری آنکھ کو آنسو دے دے

مجھ سے سوکھا ہوا دریا نہیں دیکھا جاتا

مجھ سے یہ پیاس کا صحرا نہیں دیکھا جاتا

روز اب خواب میں دریا نہیں دیکھا جاتا