raushnī tez karo chāñd sitāro apnī

mujh ko manzil pe pahuñchnā hai sahar hone tak

raushni tez karo chand sitaro apni

mujh ko manzil pe pahunchna hai sahar hone tak

apnā ghar phir apnā ghar hai apne ghar kī baat kyā

ġhair ke gulshan se sau darja bhalā apnā qafas

apna ghar phir apna ghar hai apne ghar ki baat kya

ghair ke gulshan se sau darja bhala apna qafas

tan ko miTTī nafas ko havā le ga.ī

maut ko kyā milā maut kyā le ga.ī

tan ko miTTi nafas ko hawa le gai

maut ko kya mila maut kya le gai

haal bīmār kā pūchho to shifā miltī hai

ya.anī ik kalma-e-pursish bhī davā hotā hai

haal bimar ka puchho to shifa milti hai

yani ek kalma-e-pursish bhi dawa hota hai

mil ke sab amn-o-chain se rahiye

la.anteñ bhejiye fasādoñ par

mil ke sab amn-o-chain se rahiye

lanten bhejiye fasadon par

dekhūñgā kis qadar tirī rahmat meñ josh hai

parvardigār mujh ko gunāhoñ kā hosh hai

dekhunga kis qadar teri rahmat mein josh hai

parwardigar mujh ko gunahon ka hosh hai

nazroñ meñ husn dil meñ tumhārā ḳhayāl hai

itne qarīb ho ki tasavvur muhāl hai

nazron mein husn dil mein tumhaara KHayal hai

itne qarib ho ki tasawwur muhaal hai

mirā ḳhat paḌh liyā us ne magar ye to batā qāsid

nazar aa.ī jabīñ par buuñd bhī koī pasīne kī

mera KHat paDh liya us ne magar ye to bata qasid

nazar aai jabin par bund bhi koi pasine ki

log andāza lagā.eñge amal se mere

maiñ huuñ kaisā mire māthe pe ye tahrīr nahīñ

log andaza lagaenge amal se mere

main hun kaisa mere mathe pe ye tahrir nahin

ham to manzil ke talabgār the lekin manzil

aage baḌhtī hai ga.ī rāhguzar kī sūrat

hum to manzil ke talabgar the lekin manzil

aage baDhti hai gai rahguzar ki surat

niyyat agar ḳharāb huī hai huzūr kī

ghaḌ lo koī kahānī hamāre qusūr kī

niyyat agar KHarab hui hai huzur ki

ghaD lo koi kahani hamare qusur ki

kyā baat hai nazroñ se añdherā nahīñ jaatā

kuchh baat na kar lī ho shab-e-ġham ne sahar se

kya baat hai nazron se andhera nahin jata

kuchh baat na kar li ho shab-e-gham ne sahar se

maqām-e-barq jise āsmāñ bhī kahte haiñ

irāda ab hai vahāñ apnā ghar banāne kā

maqam-e-barq jise aasman bhi kahte hain

irada ab hai wahan apna ghar banane ka

ai shām-e-ġham kī gahrī ḳhamoshī tujhe salām

kānoñ meñ ek aa.ī hai āvāz duur kī

ai sham-e-gham ki gahri KHamoshi tujhe salam

kanon mein ek aai hai aawaz dur ki

charāg-e-ilm raushan-dil hai terā

añdherā kar diyā hai raushnī ne

charag-e-ilm raushan-dil hai tera

andhera kar diya hai raushni ne

maiñ tirā jalva tū merā dil hai mere ham-nashīñ

maiñ tirī mahfil meñ huuñ aur tū mirī mahfil meñ hai

main tera jalwa tu mera dil hai mere ham-nashin

main teri mahfil mein hun aur tu meri mahfil mein hai

pahuñcho gar ik chāñd par sau aur aate haiñ nazar

āsmāñ jaane hai kitnī duur tak phailā huā

pahuncho gar ek chand par sau aur aate hain nazar

aasman jaane hai kitni dur tak phaila hua

maiñ ne anjām se pahle na palaT kar dekhā

duur tak saath mire manzil-e-āġhāz ga.ī

main ne anjam se pahle na palaT kar dekha

dur tak sath mere manzil-e-aghaz gai

partav-e-husn huuñ is vāste mahdūd huuñ maiñ

husn ho jā.ūñ to duniyā meñ samā bhī na sakūñ

partaw-e-husn hun is waste mahdud hun main

husn ho jaun to duniya mein sama bhi na sakun

yaad itnā hai mire lab pe fuġhāñ aa.ī thī

phir ḳhudā jaane kahāñ dil kī ye āvāz ga.ī

yaad itna hai mere lab pe fughan aai thi

phir KHuda jaane kahan dil ki ye aawaz gai

ab kahe jaao fasāne mirī ġharqābī ke

mauj-e-tūfāñ ko mire haq meñ thā sāhil honā

ab kahe jao fasane meri gharqabi ke

mauj-e-tufan ko mere haq mein tha sahil hona

vus.at tilism-ḳhāna-e-ālam kī kyā kahūñ

thak thak ga.ī nigāh tamāshe na kam hue

wusat tilism-KHana-e-alam ki kya kahun

thak thak gai nigah tamashe na kam hue