کیسا جادو ہے سمجھ آتا نہیں

نیند میری خواب سارے آپ کے

جن پہ نازاں تھے یہ زمین و فلک

اب کہاں ہیں وہ صورتیں باقی

کر برا تو بھلا نہیں ہوتا

کر بھلا تو برا نہیں ہوتا

ہم نے دیکھا ہے روبرو ان کے

آئینہ آئینہ نہیں ہوتا

اک ذرا سی بات پہ یہ منہ بنانا روٹھنا

اس طرح تو کوئی اپنوں سے خفا ہوتا نہیں

تیرے خوابوں کی لت لگی جب سے

رات کا انتظار رہتا ہے

دل کی باتوں کو دل سمجھتا ہے

دل کی بولی عجیب بولی ہے

دل میں سجدے کیا کرو مفتیؔ

اس میں پروردگار رہتا ہے

یوں تو پتھر بہت سے دیکھے ہیں

کوئی تم سا نظر نہیں آیا

اب تو کر ڈالیے وفا اس کو

وہ جو وعدہ ادھار رہتا ہے

ہم سے شاید معتبر ٹھہری صبا

جس نے یہ گیسو سنوارے آپ کے

پھر سے وہ لوٹ کر نہیں آیا

پھر دعا میں اثر نہیں آیا

یاد کا کیا ہے آ گئی پھر سے

آنکھ کا کیا ہے پھر سے رو لی ہے

یہ کاروبار بھی کب راس آیا

خسارے میں رہے ہم پیار کر کے

سب نشانے اگر صحیح ہوتے

تیر کوئی خطا نہیں ہوتا