phir ka.ī zaḳhm-e-dil mahak uTThe

phir kisī bevafā kī yaad aa.ī

phir kai zaKHm-e-dil mahak uTThe

phir kisi bewafa ki yaad aai

ab to aa jaao rasm-e-duniyā kī

maiñ ne dīvār bhī girā dī hai

ab to aa jao rasm-e-duniya ki

main ne diwar bhi gira di hai

haath phir baḌh rahā hai sū-e-jām

zindagī kī udāsiyoñ ko salām

hath phir baDh raha hai su-e-jam

zindagi ki udasiyon ko salam

agar sukūn se umr-e-azīz khonā ho

kisī kī chaah meñ ḳhud ko tabāh kar liije

agar sukun se umr-e-aziz khona ho

kisi ki chah mein KHud ko tabah kar lije

haa.e vo log ham se ruuTh ga.e

jin ko chāhā thā zindagī kī tarah

hae wo log hum se ruTh gae

jin ko chaha tha zindagi ki tarah

vahī be-vaj.h udāsī vahī be-nām ḳhalish

rāh-o-rasm-e-dil-e-nākām se jī Dartā hai

wahi be-wajh udasi wahi be-nam KHalish

rah-o-rasm-e-dil-e-nakaam se ji Darta hai

din ke siine meñ dhaḌakte hue lamhoñ kī qasam

shab kī raftār-e-subuk-gām se jī Dartā hai

din ke sine mein dhaDakte hue lamhon ki qasam

shab ki raftar-e-subuk-gam se ji Darta hai

ham āgahī ko rote haiñ aur āgahī hameñ

vāraftagi-e-shauq kahāñ le chalī hameñ

hum aagahi ko rote hain aur aagahi hamein

waraftagi-e-shauq kahan le chali hamein

aa.ī thī chand gaam usī be-vafā ke saath

phir umr bhar ko bhuul ga.ī zindagī hameñ

aai thi chand gam usi be-wafa ke sath

phir umr bhar ko bhul gai zindagi hamein

darvāzoñ ke pahre haiñ dīvāroñ ke sañgīneñ

hotā jo mire bas meñ is ghar se nikal jaatā

darwazon ke pahre hain diwaron ke sanginen

hota jo mere bas mein is ghar se nikal jata