rakhte haiñ mohabbat ko taġhāful meñ chhupā kar

parvā hī to karte haiñ jo parvā nahīñ karte

rakhte hain mohabbat ko taghaful mein chhupa kar

parwa hi to karte hain jo parwa nahin karte

vo to bas jhūTī tasallī ko kahā thā tum se

ham to apne bhī nahīñ, ḳhaak tumhāre hote

wo to bas jhuTi tasalli ko kaha tha tum se

hum to apne bhi nahin, KHak tumhaare hote

maiñ bhalā haath duāoñ ko uThātā kaise

us ne chhoḌī hī nahīñ koī zarūrat baaqī

main bhala hath duaon ko uThata kaise

us ne chhoDi hi nahin koi zarurat baqi

saare to nahīñ jaan bachāne meñ lage haiñ

kuchh ghaav hameñ zaḳhm lagāne meñ lage haiñ

sare to nahin jaan bachane mein lage hain

kuchh ghaw hamein zaKHm lagane mein lage hain

yaqīñ ḳhud uTh gayā hai mujh se merā

mirī itnī taraf-dārī huī hai

yaqin KHud uTh gaya hai mujh se mera

meri itni taraf-dari hui hai

aks-e-ḳhayāl-e-yār sañvārā kareñge ham

shīshe meñ aa.ine ko utārā kareñge ham

aks-e-KHayal-e-yar sanwara karenge hum

shishe mein aaine ko utara karenge hum

rāh-e-talab meñ dām-o-diram chhoḌ jā.eñge

likh lo hamāre sher baḌe kaam ā.eñge

rah-e-talab mein dam-o-diram chhoD jaenge

likh lo hamare sher baDe kaam aaenge

tum ko sote meñ bhī kab aañkh uThā kar dekhā

ham ne ḳhvāboñ meñ bhī ā.ankhoñ kī nigah-dārī kī

tum ko sote mein bhi kab aankh uTha kar dekha

hum ne KHwabon mein bhi aaankhon ki nigah-dari ki