ye khule khule se gesū inheñ laakh tū sañvāre

mire haath se sañvarte to kuchh aur baat hotī

ye khule khule se gesu inhen lakh tu sanware

mere hath se sanwarte to kuchh aur baat hoti

sirf darvāze talak jā ke hī lauT aayā huuñ

aisā lagtā hai ki sadiyoñ kā safar kar aayā

sirf darwaze talak ja ke hi lauT aaya hun

aisa lagta hai ki sadiyon ka safar kar aaya

ḳhud hī uchhālūñ patthar ḳhud hī sar par le luuñ

jab chāhūñ suune mausam se manzar le luuñ

KHud hi uchhaalun patthar KHud hi sar par le lun

jab chahun sune mausam se manzar le lun

tamām-shahr jise chhoḌne ko aayā hai

vo shaḳhs kitnā akelā safar pe niklegā

tamam-shahr jise chhoDne ko aaya hai

wo shaKHs kitna akela safar pe niklega

mere raste meñ jo raunaq thī mere fan kī thī

mere ghar meñ jo añdherā thā merā apnā thā

mere raste mein jo raunaq thi mere fan ki thi

mere ghar mein jo andhera tha mera apna tha

tū ik qadam bhī jo merī taraf baḌhā detā

maiñ manzileñ tirī dahlīz se milā detā

tu ek qadam bhi jo meri taraf baDha deta

main manzilen teri dahliz se mila deta

bachā liyā tirī ḳhushbū ke farq ne varna

maiñ tere vahm meñ tujh se lipaTne vaalā thā

bacha liya teri KHushbu ke farq ne warna

main tere wahm mein tujh se lipaTne wala tha

bastī meñ ġharīboñ kī jahāñ aag lagī thī

sunte haiñ vahāñ ek nayā shahr basegā

basti mein gharibon ki jahan aag lagi thi

sunte hain wahan ek naya shahr basega

zamīñ ke zaḳhm samundar to bhar na pā.egā

ye kaam dīda-e-tar tujh ko sauñpnā hogā

zamin ke zaKHm samundar to bhar na paega

ye kaam dida-e-tar tujh ko saunpna hoga

tamām shahr jise chhoḌne ko aaya hai

vo shaḳhs kitnā akelā safar pe niklegā

tamam shahr jise chhoDne ko aaya hai

wo shaKHs kitna akela safar pe niklega