log kahte haiñ ki fann-e-shā.irī manhūs hai

sher kahte kahte maiñ deputy collector ho gayā

log kahte hain ki fann-e-shairi manhus hai

sher kahte kahte main deputy collector ho gaya

puurā kareñge holī meñ kyā vāda-e-visāl

jin ko abhī basant kī ai dil ḳhabar nahīñ

pura karenge holi mein kya wada-e-visal

jin ko abhi basant ki ai dil KHabar nahin

na ḳhanjar uThegā na talvār in se

ye baazū mire āzmā.e hue haiñ

na KHanjar uThega na talwar in se

ye bazu mere aazmae hue hain

tirī tārīf ho ai sahib-e-ausāf kyā mumkin

zabānoñ se dahānoñ se takallum se bayānoñ se

teri tarif ho ai sahib-e-ausaf kya mumkin

zabanon se dahanon se takallum se bayanon se

chaltī to hai par shoḳhī-e-raftār kahāñ hai

talvār meñ pāzeb kī jhankār kahāñ hai

chalti to hai par shoKHi-e-raftar kahan hai

talwar mein pazeb ki jhankar kahan hai

ho ga.e raam jo tum ġhair se a jān-e-jahāñ

jal rahī hai dil-e-pur-nūr kī lanka dekho

ho gae ram jo tum ghair se a jaan-e-jahan

jal rahi hai dil-e-pur-nur ki lanka dekho

haiñ diin ke pāband na duniyā ke muqayyad

kyā ishq ne is bhūl-bhulayyāñ se nikālā

hain din ke paband na duniya ke muqayyad

kya ishq ne is bhul-bhulayyan se nikala

dariyā-e-sharāb us ne bahāyā hai hamesha

saaqī se jo kashtī ke talabgār hue haiñ

dariya-e-sharab us ne bahaya hai hamesha

saqi se jo kashti ke talabgar hue hain

phir na baaqī rahe ġhubār kabhī

holī khelo jo ḳhāksāroñ meñ

phir na baqi rahe ghubar kabhi

holi khelo jo KHaksaron mein

naav kāġhaz kī tan-e-ḳhākī-e-insāñ samjho

ġharq ho jā.eñgī chhīñTā jo paḌā paanī kā

naw kaghaz ki tan-e-KHaki-e-insan samjho

gharq ho jaengi chhinTa jo paDa pani ka

ik baat par qarār unheñ rāt-bhar nahīñ

do do pahar jo haañ hai to do do pahar nahīñ

ek baat par qarar unhen raat-bhar nahin

do do pahar jo han hai to do do pahar nahin

sabz kapḌoñ meñ siyah-zulf kī zebā.ī hai

dhaan ke khet meñ kyā kaalī ghaTā chhā.ī hai

sabz kapDon mein siyah-zulf ki zebai hai

dhan ke khet mein kya kali ghaTa chhai hai

vo aur maraz haiñ ki shifā hotī hai jin se

achchhe kahīñ un āñkhoñ ke bīmār hue haiñ

wo aur maraz hain ki shifa hoti hai jin se

achchhe kahin un aankhon ke bimar hue hain

agar un ko puujā to kyā kufr hogā

ki but bhī ḳhudā ke banā.e hue haiñ

agar un ko puja to kya kufr hoga

ki but bhi KHuda ke banae hue hain

un ko ushshāq hī ke dil kī nahīñ hai taḳhsīs

koī shīsha ho parī ban ke utar jaate haiñ

un ko ushshaq hi ke dil ki nahin hai taKHsis

koi shisha ho pari ban ke utar jate hain

is qadar mahv na hoñ aap ḳhud-ārā.ī meñ

daaġh lag jaa.e na ā.īna-e-yaktā.ī meñ

is qadar mahw na hon aap KHud-arai mein

dagh lag jae na aaina-e-yaktai mein

tū jo talvār se nahlā.e lahū meñ mujh ko

ġhusl-e-sehhat huā bhī ishq kī bīmārī se

tu jo talwar se nahlae lahu mein mujh ko

ghusl-e-sehhat hua bhi ishq ki bimari se

chālīs jaam pī ke diyā ek jām-e-mai

saaqī ne ḳhuub raah nikālī zakāt kī

chaalis jam pi ke diya ek jam-e-mai

saqi ne KHub rah nikali zakat ki