kis se ummīd kareñ koī ilāj-e-dil kī

chārāgar bhī to bahut dard kā maarā niklā

kis se ummid karen koi ilaj-e-dil ki

chaaragar bhi to bahut dard ka mara nikla

jaate jaate diyā is tarah dilāsā us ne

biich dariyā meñ koī jaise kināra niklā

jate jate diya is tarah dilasa us ne

bich dariya mein koi jaise kinara nikla

tamām umr mirā mujh se iḳhtilāf rahā

gila na kar jo kabhī terā ham-navā na huā

tamam umr mera mujh se iKHtilaf raha

gila na kar jo kabhi tera ham-nawa na hua

maiñ ḳhud hī apne ta.āqub meñ phir rahā huuñ abhī

uThā ke tū merī rāhoñ se rāstā le jā

main KHud hi apne taaqub mein phir raha hun abhi

uTha ke tu meri rahon se rasta le ja

maiñ dar-ba-dar huuñ abhī apnī justujū meñ bahut

maiñ apne lahje ko andāz de rahā huuñ abhī

main dar-ba-dar hun abhi apni justuju mein bahut

main apne lahje ko andaz de raha hun abhi

maiñ ki apnā hī pata pūchh rahā huuñ sab se

kho ga.ī jaane kahāñ umr-e-guzishta merī

main ki apna hi pata puchh raha hun sab se

kho gai jaane kahan umr-e-guzishta meri

tirā to kyā ki ḳhud apnā bhī maiñ kabhī na rahā

mire ḳhayāl se ḳhvāboñ kā silsila le jā

tera to kya ki KHud apna bhi main kabhi na raha

mere KHayal se KHwabon ka silsila le ja

ab na vo zauq-e-vafā hai na mizāj-e-ġham hai

hū-ba-hū garche koī terī misāl aayā thā

ab na wo zauq-e-wafa hai na mizaj-e-gham hai

hu-ba-hu garche koi teri misal aaya tha

maiñ duur ho ke bhī us se kabhī judā na huā

ki us ke ba.ad kisī kā bhī āshnā na huā

main dur ho ke bhi us se kabhi juda na hua

ki us ke baad kisi ka bhi aashna na hua