ہنسی تھمی ہے ان آنکھوں میں یوں نمی کی طرح

چمک اٹھے ہیں اندھیرے بھی روشنی کی طرح

یوں تیری رہ گزر سے دیوانہ وار گزرے

کاندھے پہ اپنے رکھ کے اپنا مزار گزرے

آبلہ پا کوئی اس دشت میں آیا ہوگا

ورنہ آندھی میں دیا کس نے جلایا ہوگا

آغاز تو ہوتا ہے انجام نہیں ہوتا

جب میری کہانی میں وہ نام نہیں ہوتا

یہ نہ سوچو کل کیا ہو

کون کہے اس پل کیا ہو

عیادت ہوتی جاتی ہے عبادت ہوتی جاتی ہے

مرے مرنے کی دیکھو سب کو عادت ہوتی جاتی ہے

چاند تنہا ہے آسماں تنہا

دل ملا ہے کہاں کہاں تنہا

آنکھوں کو دیکھتے ہی بولے

بن پئے کوئی مدہوش آیا

عیادت کو آئے شفا ہو گئی

مری روح تن سے جدا ہو گئی

کہیں کہیں کوئی تارہ کہیں کہیں جگنو

جو میری رات تھی وہ آپ کا سویرا ہے

جب چاہا اقرار کیا ہے جب چاہا انکار کیا

دیکھو ہم نے خود ہی سے یہ کیسا انوکھا پیار کیا

تیرے قدموں کی آہٹ کو یہ دل ہے ڈھونڈتا ہر دم

ہر اک آواز پر اک تھرتھراہٹ ہوتی جاتی ہے

دل توڑ دیا اس نے یہ کہہ کے نگاہوں سے

پتھر سے جو ٹکرائے وہ جام نہیں ہوتا

شمع ہوں پھول ہوں یا ریت پہ قدموں کا نشاں

آپ کو حق ہے مجھے جو بھی جی چاہے کہہ لیں

ہنس ہنس کے جواں دل کے ہم کیوں نہ چنیں ٹکڑے

ہر شخص کی قسمت میں انعام نہیں ہوتا

ان کہی ان سنی سی کچھ باتیں

سونے دن اور یہ سنساں راتیں

نہ کوئی شہر نہ رستہ نہ سفر

منتشر ذہن کی الجھی گھاتیں

اپنا ہی سودا کر بیٹھے

تم سا جو صبا فروش آیا

پوچھتے ہو تو سنو کیسے بسر ہوتی ہے

رات خیرات کی صدقے کی سحر ہوتی ہے

اب آنکھ کھلی اب ہوش آیا

بہکا سا جب گل پوش آیا

کانچ کے ٹکڑے چنے مگر

تجھ سا وہ بے کل کیا ہو