aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر
Naresh Kumar Shad's Photo'

نریش کمار شاد

1927 - 1969 | دلی, انڈیا

ممتاز اردو شاعر/ قطعات کے لئے مشہور

ممتاز اردو شاعر/ قطعات کے لئے مشہور

نریش کمار شاد کے اشعار

6K
Favorite

باعتبار

اتنا بھی ناامید دل کم نظر نہ ہو

ممکن نہیں کہ شام الم کی سحر نہ ہو

خدا سے کیا محبت کر سکے گا

جسے نفرت ہے اس کے آدمی سے

عقل سے صرف ذہن روشن تھا

عشق نے دل میں روشنی کی ہے

زندگی سے تو خیر شکوہ تھا

مدتوں موت نے بھی ترسایا

اللہ رے بے خودی کہ ترے پاس بیٹھ کر

تیرا ہی انتظار کیا ہے کبھی کبھی

گناہوں سے ہمیں رغبت نہ تھی مگر یا رب

تری نگاہ کرم کو بھی منہ دکھانا تھا

زندگی نام ہے جدائی کا

آپ آئے تو مجھ کو یاد آیا

محفل ان کی ساقی ان کا

آنکھیں اپنی باقی ان کا

خدا سے لوگ بھی خائف کبھی تھے

مگر لوگوں سے اب خائف خدا ہے

محسوس بھی ہو جائے تو ہوتا نہیں بیاں

نازک سا ہے جو فرق گناہ و ثواب میں

کسی کے جور و ستم کا تو اک بہانا تھا

ہمارے دل کو بہرحال ٹوٹ جانا تھا

تو مرے غم میں نہ ہنستی ہوئی آنکھوں کو رلا

میں تو مر مر کے بھی جی سکتا ہوں میرا کیا ہے

طوفان غم کی تند ہواؤں کے باوجود

اک شمع آرزو ہے جو اب تک بجھی نہیں

یہ سوچ کر بھی ہنس نہ سکے ہم شکستہ دل

یاران غم گسار کا دل ٹوٹ جائے گا

ترا ہجر میرا نصیب ہے ترا غم ہی میری حیات ہے

مجھے تیری دوری کا غم ہو کیوں تو کہیں بھی ہو مرے پاس ہے

کسی سے رسم و رہ دوستی تو کیا کرتے

ہمارا خود سے تعارف بھی غائبانہ تھا

Recitation

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
بولیے