jitnā ki hai ifrāt tirī kam-nigahī kā

utnā hī idhar dekho to ye dīda-e-nam hai

jitna ki hai ifraat teri kam-nigahi ka

utna hi idhar dekho to ye dida-e-nam hai

jaave bhī phir aave bhī ka.ī shakl se har baar

chakkar meñ kahāñ, par ye mazā taan meñ dekhā

jawe bhi phir aawe bhi kai shakl se har bar

chakkar mein kahan, par ye maza tan mein dekha

aage ko baḌh sake hai na pīchhe ko haT sake

yaañ tak tire ḳhayāl meñ ab DaT gayā hai dil

aage ko baDh sake hai na pichhe ko haT sake

yan tak tere KHayal mein ab DaT gaya hai dil

vo jo ik tolā ka.ī māsha thī yaarī tum se

rattī bhar bhī na rahā is meñ kuchh āsār kahīñ

wo jo ek tola kai masha thi yari tum se

ratti bhar bhi na raha is mein kuchh aasar kahin

chaTpaTī dil kī bujhī yaar ke dekhe se yuuñ

bhūke ko jaise kahīñ se goyā khānā aayā

chaTpaTi dil ki bujhi yar ke dekhe se yun

bhuke ko jaise kahin se goya khana aaya

is mājrā ko jā ke kahūñ kis ke rū-ba-rū

merī to dauḌ haigī tire āstāñ tilak

is majra ko ja ke kahun kis ke ru-ba-ru

meri to dauD haigi tere aastan tilak

aur sab 'mānī' ne terī to banā.ī tasvīr

par durust ho na sakī chehre kī parvāz hanūz

aur sab 'mani' ne teri to banai taswir

par durust ho na saki chehre ki parwaz hanuz

ye saarā qaziya to ham se hai is se tum ko kyā

tum apne ek taraf ho raho huā so havā

ye sara qaziya to hum se hai is se tum ko kya

tum apne ek taraf ho raho hua so hawa

īdhar se sete jaao aur ūdhar se phahTtā jaa.e

aise tarah ke kapḌe ko phir siije bhī nahīñ

idhar se sete jao aur udhar se phahTta jae

aise tarah ke kapDe ko phir sije bhi nahin

dekhā hai kahīñ gul ne tujhe jis kī ḳhushī se

phūlā hai vo itnā ki qabā meñ na samāve

dekha hai kahin gul ne tujhe jis ki KHushi se

phula hai wo itna ki qaba mein na samawe

ā.īne se mujh dal ke tahayyur ko milā dekh

ye donoñ barābar haiñ koī besh na kam hai

aaine se mujh dal ke tahayyur ko mila dekh

ye donon barabar hain koi besh na kam hai

pūchhe koī kisī ko so imkān hī nahīñ

nā-pursī kā ye daur anokhā bhalā phirā

puchhe koi kisi ko so imkan hi nahin

na-pursi ka ye daur anokha bhala phira

logoñ ke phoḌtā phire shīshe

mohtasib ko to masḳharā kahiye

logon ke phoDta phire shishe

mohtasib ko to masKHara kahiye

sāne.a mirā vo hai ki ho kaisī hī chob-e-ḳhushk

sau sau dafa vo chāhe to us ko harī kare

sanea mera wo hai ki ho kaisi hi chob-e-KHushk

sau sau dafa wo chahe to us ko hari kare