Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER
Nazir Wahid's Photo'

Nazir Wahid

1987 | Dubai, UAE

Sher of Nazir Wahid

rañg darkār the ham ko tirī ḳhāmoshī ke

ek āvāz tasvīr banānī thī hameñ

rang darkar the hum ko teri KHamoshi ke

ek aawaz ki taswir banani thi hamein

mujh se ziyāda kaun tamāsha dekh sakegā

gāñdhī-jī ke tīnoñ bandar mere andar

mujh se ziyaada kaun tamasha dekh sakega

gandhi-ji ke tinon bandar mere andar

paḌhne vaalā bhī to kartā hai kisī se mansūb

sabhī kirdār kahānī ke nahīñ hote haiñ

paDhne wala bhi to karta hai kisi se mansub

sabhi kirdar kahani ke nahin hote hain

likhte likhte laḌī aañkh jo raanī se mirī

phir to raajā ko nikalnā thā kahānī se mirī

likhte likhte hi laDi aankh jo rani se meri

phir to raja ko nikalna tha kahani se meri

ik na.e ġham se kinārā bhī to ho saktā hai

ishq phir ham ko dobārā bhī to ho saktā hai

ek nae gham se kinara bhi to ho sakta hai

ishq phir hum ko dobara bhi to ho sakta hai

dekhne vaale tujhe dekhte hoñge lekin

dekhne vāloñ ko hairat bhī to hotī hogī

dekhne wale tujhe dekhte honge lekin

dekhne walon ko hairat bhi to hoti hogi

sher tarah jo hote haiñ mukammal kuchh log

vo binā misra-e-sānī ke nahīñ hote haiñ

sher ki tarah jo hote hain mukammal kuchh log

wo bina misra-e-sani ke nahin hote hain

hausle dard-bayānī ke nahīñ hote haiñ

ab yahāñ lafz ma.ānī ke nahīñ hote haiñ

hausle dard-bayani ke nahin hote hain

ab yahan lafz maani ke nahin hote hain

us ke hoñToñ pe shikāyat bhī to hotī hogī

dil lagāne ye sūrat bhī to hotī hogī

us ke honTon pe shikayat bhi to hoti hogi

dil lagane ki ye surat bhi to hoti hogi

Recitation

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now