Sher on Rang

tamām raat nahāyā thā shahr bārish meñ

vo rañg utar hī ga.e jo utarne vaale the

tamam raat nahaya tha shahr barish mein

wo rang utar hi gae jo utarne wale the

kisī kalī kisī gul meñ kisī chaman meñ nahīñ

vo rañg hai hī nahīñ jo tire badan meñ nahīñ

kisi kali kisi gul mein kisi chaman mein nahin

wo rang hai hi nahin jo tere badan mein nahin

rañg darkār the ham ko tirī ḳhāmoshī ke

ek āvāz kī tasvīr banānī thī hameñ

rang darkar the hum ko teri KHamoshi ke

ek aawaz ki taswir banani thi hamein

lab-e-nāzuk ke bose luuñ to missī muñh banātī hai

kaf-e-pā ko agar chūmūñ to mehñdī rañg laatī hai

lab-e-nazuk ke bose lun to missi munh banati hai

kaf-e-pa ko agar chumun to mehndi rang lati hai

ġhair se khelī hai holī yaar ne

Daale mujh par dīda-e-ḳhūñ-bār rañg

ghair se kheli hai holi yar ne

Dale mujh par dida-e-KHun-bar rang

ab kī holī meñ rahā be-kār rañg

aur hī laayā firāq-e-yār rañg

ab ki holi mein raha be-kar rang

aur hi laya firaq-e-yar rang

mujh ko ehsās-e-rañg-o-bū na huā

yuuñ bhī aksar bahār aa.ī hai

mujh ko ehsas-e-rang-o-bu na hua

yun bhi aksar bahaar aai hai

tumhāre rañg phīke paḌ ga.e naañ

mirī āñkhoñ kī vīrānī ke aage

tumhaare rang phike paD gae nan

meri aankhon ki virani ke aage

bahār aa.ī ki din holī ke aa.e

guloñ meñ rañg khelā jā rahā hai

bahaar aai ki din holi ke aae

gulon mein rang khela ja raha hai

rañg hī se fareb khāte raheñ

ḳhushbueñ āzmānā bhuul ga.e

rang hi se fareb khate rahen

KHushbuen aazmana bhul gae

kis kī holī jashn-e-nau-rozī hai aaj

surḳh mai se sāqiyā dastār rañg

kis ki holi jashn-e-nau-rozi hai aaj

surKH mai se saqiya dastar rang

vo rañg rañg ke chhīñTe paḌe ki us ke ba.ad

kabhī na phir na.e kapḌe pahan ke niklā maiñ

wo rang rang ke chhinTe paDe ki us ke baad

kabhi na phir nae kapDe pahan ke nikla main

hazār rañg-ba-dāmāñ sahī magar duniyā

bas ek silsila-e-etibār hai, kyā hai

hazar rang-ba-daman sahi magar duniya

bas ek silsila-e-etibar hai, kya hai

saañs letā huā har rang nazar aa.egā

tum kisī roz mire rang meñ aao to sahī

sans leta hua har rang nazar aaega

tum kisi roz mere rang mein aao to sahi

ujāloñ meñ chhupī thī ek laḌkī

falak kā rañg-roġhan kar ga.ī hai

ujalon mein chhupi thi ek laDki

falak ka rang-roghan kar gai hai

vo aa.e to rang sañvarne lagte haiñ

jaise bichhḌā yaar bhī koī mausam hai

wo aae to rang sanwarne lagte hain

jaise bichhDa yar bhi koi mausam hai

ajab bahār dikhā.ī lahū ke chhīñToñ ne

ḳhizāñ kā rañg bhī rañg-e-bahār jaisā thā

ajab bahaar dikhai lahu ke chhinTon ne

KHizan ka rang bhi rang-e-bahaar jaisa tha

tū bhī dekhegā zarā rang utar leñ tere

ham hī rakhte haiñ tujhe yaad ki sab rakhte haiñ

tu bhi dekhega zara rang utar len tere

hum hi rakhte hain tujhe yaad ki sab rakhte hain

kab tak chunarī par hī zulm hoñ rañgoñ ke

rañgreza terī bhī qabā par barse rañg

kab tak chunari par hi zulm hon rangon ke

rangreza teri bhi qaba par barse rang

saikḌoñ rangoñ kī bārish ho chukegī us ke baad

itr meñ bhīgī huī shāmoñ kā manzar aa.egā

saikDon rangon ki barish ho chukegi us ke baad

itr mein bhigi hui shamon ka manzar aaega

maiñ ne kuchh rang uchhāle the havāoñ meñ 'nabīl'

aur tasvīr tirī dhyān se bāhar aa.ī

main ne kuchh rang uchhaale the hawaon mein 'nabil'

aur taswir teri dhyan se bahar aai

vo kūdte uchhalte rangīn pairahan the

ma.asūm qahqahoñ meñ uḌtā gulāl dekhā

wo kudte uchhalte rangin pairahan the

masum qahqahon mein uDta gulal dekha

dasht-e-vafā meñ jal ke na rah jaa.eñ apne dil

vo dhuup hai ki rañg haiñ kaale paḌe hue

dasht-e-wafa mein jal ke na rah jaen apne dil

wo dhup hai ki rang hain kale paDe hue

shab jo holī kī hai milne ko tire mukhḌe se jaan

chāñd aur taare liye phirte haiñ afshāñ haath meñ

shab jo holi ki hai milne ko tere mukhDe se jaan

chand aur tare liye phirte hain afshan hath mein

maiñ duur thā to apne hī chehre pe mal liyā

is zindagī ke haath meñ jitnā gulāl thā

main dur tha to apne hi chehre pe mal liya

is zindagi ke hath mein jitna gulal tha

kitnī rangīniyoñ meñ terī yaad

kis qadar sādgī se aatī hai

kitni ranginiyon mein teri yaad

kis qadar sadgi se aati hai

lab-e-dariyā pe dekh aa kar tamāshā aaj holī kā

bhañvar kaale ke daf baaje hai mauj ai yaar paanī meñ

lab-e-dariya pe dekh aa kar tamasha aaj holi ka

bhanwar kale ke daf baje hai mauj ai yar pani mein

idhar bhī ik nazar ai jalva-e-rangīn-o-begāna

tulū-e-māh kā hai muntazir merā siyah-ḳhāna

idhar bhi ek nazar ai jalwa-e-rangin-o-begana

tulu-e-mah ka hai muntazir mera siyah-KHana

mere 'anāsir ḳhaak na hoñ bas rang baneñ

aur jangal sahrā dariyā par barse rang

mere 'anasir KHak na hon bas rang banen

aur jangal sahra dariya par barse rang

mausam ne khet-khet ugaa.ī hai fasl-e-zard

sarsoñ ke khet haiñ ke jo piile nahīñ rahe

mausam ne khet-khet ugai hai fasl-e-zard

sarson ke khet hain ke jo pile nahin rahe

kitnī be-rang zindagī hai mirī

'ishq ke rang yaar bhar do nā

kitni be-rang zindagi hai meri

'ishq ke rang yar bhar do na