jis ko ḳhud apnā e.atibār na ho

aise insāñ kā e.atibār na kar

jis ko KHud apna eatibar na ho

aise insan ka eatibar na kar

log tujh ko haqīr samjheñge

had se zaa.id bhī inkisār na kar

log tujh ko haqir samjhenge

had se zaid bhi inkisar na kar

be-rabtiyoñ ne 'qadr' miTā.ī jo rabt kī

hai gosht ko bhī apne na ab ustuḳhvāñ se rabt

be-rabtiyon ne 'qadr' miTai jo rabt ki

hai gosht ko bhi apne na ab ustuKHwan se rabt

duniyā ko ham se kaam na duniyā se ham ko kaam

ḳhātir se terī rakhte haiñ sāre-jahāñ se rabt

duniya ko hum se kaam na duniya se hum ko kaam

KHatir se teri rakhte hain sare-jahan se rabt

toḌā nahīñ jā saktā paimān mohabbat kā

nuqsān ḳhud apnā hai nuqsān mohabbat kā

toDa nahin ja sakta paiman mohabbat ka

nuqsan KHud apna hai nuqsan mohabbat ka

kyuuñ ishq ke jhagḌe ko le jaatā hai uqbā meñ

kar ḳhātma duniyā meñ duniyā kī musībat kā

kyun ishq ke jhagDe ko le jata hai uqba mein

kar KHatma duniya mein duniya ki musibat ka

ḳhāmosh is tarah se na jal kar dhuāñ uThā

ai sham.a kuchh to bol kabhī to zabāñ uThā

KHamosh is tarah se na jal kar dhuan uTha

ai shama kuchh to bol kabhi to zaban uTha

maiñ ye kahtā huuñ ki donoñ meñ zarūrī laag hai

vo ye kahte haiñ zamīñ ko āsmāñ se kyā ġharaz

main ye kahta hun ki donon mein zaruri lag hai

wo ye kahte hain zamin ko aasman se kya gharaz

aatī hai nazar us meñ iḳhlās kī har sūrat

ā.īna hai ā.īna insān mohabbat kā

aati hai nazar us mein iKHlas ki har surat

aaina hai aaina insan mohabbat ka

iz.hār-e-hāl ke liye sūrat savāl hai

hai guftugū se kaam na ham ko zabāñ se rabt

izhaar-e-haal ke liye surat sawal hai

hai guftugu se kaam na hum ko zaban se rabt

nāla-e-be-saut ḳhud banñe lagā mohr-e-sukūt

be-zabānī ko hamārī ab zabāñ se kyā ġharaz

nala-e-be-saut KHud banne laga mohr-e-sukut

be-zabani ko hamari ab zaban se kya gharaz