ایک دن اپنا صحیفہ مجھ پہ نازل ہو گیا

اس کو پڑھتے ہی مری ساری خطائیں مر گئیں

کس نے روکا ہے سر راہ محبت تم کو

تمہیں نفرت ہے تو نفرت سے تم آؤ جاؤ

اگرچہ وقت مناجات کرنے والا تھا

مرا مزاج سوالات کرنے والا تھا

تو خود اپنی مثال ہے وہ تو ہے

اسی اپنی مثال میں مجھے مل

دھوپ چھاؤں کا کوئی کھیل ہے بینائی بھی

آنکھ کو ڈھونڈ کے لایا ہوں تو منظر گم ہے

آئینے کو توڑا ہے تو معلوم ہوا ہے

گزرا ہوں کسی دشت خطرناک سے آگے

پڑا ہوا ہوں میں سجدے میں کہہ نہیں پاتا

وہ بات جس سے کہ ہلکا ہو کچھ زبان کا بوجھ

ایک مجذوب اداسی میرے اندر گم ہے

اس سمندر میں کوئی اور سمندر گم ہے

میں سامنے سے اٹھا اور لو لرزنے لگی

چراغ جیسے کوئی بات کرنے والا تھا

ایک اجڑی ہوئی حسرت ہے کہ پاگل ہو کر

بین ہر شہر میں کرتی ہوئی دیکھی گئی ہے