maiñ sāmne se uThā aur lau larazne lagī

charāġh jaise koī baat karne vaalā thā

main samne se uTha aur lau larazne lagi

charagh jaise koi baat karne wala tha

ek majzūb udāsī mere andar gum hai

is samundar meñ koī aur samundar gum hai

ek majzub udasi mere andar gum hai

is samundar mein koi aur samundar gum hai

dhuup chhāñv kā koī khel hai bīnā.ī bhī

aañkh ko DhūñD ke laayā huuñ to manzar gum hai

dhup chhanw ka koi khel hai binai bhi

aankh ko DhunD ke laya hun to manzar gum hai

kis ne rokā hai sar-e-rāh-e-mohabbat tum ko

tumheñ nafrat hai to nafrat se tum aao jaao

kis ne roka hai sar-e-rah-e-mohabbat tum ko

tumhein nafrat hai to nafrat se tum aao jao

paḌā huā huuñ maiñ sajde meñ kah nahīñ paatā

vo baat jis se ki halkā ho kuchh zabān kā bojh

paDa hua hun main sajde mein kah nahin pata

wo baat jis se ki halka ho kuchh zaban ka bojh

tū ḳhud apnī misāl hai vo to hai

isī apnī misāl meñ mujhe mil

tu KHud apni misal hai wo to hai

isi apni misal mein mujhe mil

ā.īne ko toḌā hai to mālūm huā hai

guzrā huuñ kisī dasht-e-ḳhatarnāk se aage

aaine ko toDa hai to malum hua hai

guzra hun kisi dasht-e-KHatarnak se aage

ek din apnā sahīfa mujh pe nāzil ho gayā

us ko paḌhte hī mirī saarī ḳhatā.eñ mar ga.iiñ

ek din apna sahifa mujh pe nazil ho gaya

us ko paDhte hi meri sari KHataen mar gain

ek ujḌī huī hasrat hai ki pāgal ho kar

bain har shahr meñ kartī huī dekhī ga.ī hai

ek ujDi hui hasrat hai ki pagal ho kar

bain har shahr mein karti hui dekhi gai hai

agarche vaqt munājāt karne vaalā thā

mirā mizāj savālāt karne vaalā thā

agarche waqt munajat karne wala tha

mera mizaj sawalat karne wala tha