اگر شعور نہ ہو تو بہشت ہے دنیا

بڑے عذاب میں گزری ہے آگہی کے ساتھ

ہمیں خبر ہے زن فاحشہ ہے یہ دنیا

سو ہم بھی ساتھ اسے بے نکاح رکھتے ہیں

میرے سخن کی داد بھی اس کو ہی دیجئے

وہ جس کی آرزو مجھے شاعر بنا گئی

تم نے کہا تھا چپ رہنا سو چپ نے بھی کیا کام کیا

چپ رہنے کی عادت نے کچھ اور ہمیں بد نام کیا

دل کے اجڑے نگر کو کر آباد

اس ڈگر کو بھی کوئی راہی دے

ثبوت مانگ رہے ہیں مری تباہی کا

مجھے تباہ کیا جن کی کج ادائی نے

مری تنہائیوں کو کون سمجھے

میں سایہ ہوں مگر خود سے جدا ہوں

صہباؔ صاحب دریا ہو تو دریا جیسی بات کرو

تیز ہوا سے لہر تو اک جوہڑ میں بھی آ جاتی ہے

بیان لغزش آدم نہ کر کہ وہ فتنہ

مری زمیں سے نہیں تیرے آسماں سے اٹھا

میں اسے سمجھوں نہ سمجھوں دل کو ہوتا ہے ضرور

لالہ و گل پر گماں اک اجنبی تحریر کا

شاید وہ سنگ دل ہو کبھی مائل کرم

صورت نہ دے یقین کی اس احتمال کو