محبت عام سا اک واقعہ تھا

ہمارے ساتھ پیش آنے سے پہلے

لمحہ اتنی گنجائش رکھتا ہے خود میں

آپ اس میں آنے سے پہلے جا سکتے ہیں

آنسو نہیں بنا سو ہم نے

عجلت میں قہقہہ بنایا

سال گزر جاتا ہے سارا

اور کلینڈر رہ جاتا ہے

کنوئیں کی سمت بلا لے نہ کوئی خواب مجھے

میں اپنے باپ کا سب سے حسین بیٹا ہوں

کھڑکی سے جھانک کر کسی نے

منظر کو واقعہ بنایا

میں ترے دائیں بائیں رہتا ہوں

اے مرے سامنے کی مجبوری

وہ ایک خواب میں میرے قریب آئے اگر

میں سارے شہر کی نیندیں خرید سکتا ہوں

گلے لگ کر ہم اس کے خوب روئے

خوشی اک دن ملی تھی راہ چلتے

سب کو قدرت تھی خوش کلامی پر

خامشی میں زباں دراز تھا میں

زندہ اکٹھے ہو رہے ہیں

لگتا ہے کوئی مر گیا ہے

خریداروں میں بھگدڑ مچ گئی ہے

ہم اپنے دام بتلانے لگے ہیں

دکھ سے دو چار سال چھوٹا ہوں

ہجر سے ایک دن بڑا ہوں میں

قیمت مرے سونے کی وہاں خاک لگے گی

ہو خاک کی قیمت جہاں سونے کے برابر

اک عداوت سے فراغت نہیں ملتی ورنہ

کون کہتا ہے محبت نہیں کر سکتے ہم

روشنی ان دنوں کی بات ہے جب

دے رہا تھا کوئی دکھائی ہمیں

نمی جگہ بنا رہی ہے آنکھ میں

یہ تیر اب کمان سے نکالئے

محبت عام سا اک واقعہ تھا

ہمارے ساتھ پیش آنے سے پہلے

ایک رم جھم سی کیفیت کے بعد

موسلا دھار ہو رہا ہوں میں

کنوئیں کی سمت بلا لے نہ کوئی خواب مجھے

میں اپنے باپ کا سب سے حسین بیٹا ہوں

سنا ہے کوئی دیوانہ یہاں پر

رہا کرتا تھا ویرانے سے پہلے

دکھ سے دو چار سال چھوٹا ہوں

ہجر سے ایک دن بڑا ہوں

یہ جو تالاب ہے دریا تھا کبھی

میں یہاں بیٹھ کے روتا تھا کبھی

ہم کو مصرع کے تنگ سینے میں

آہ بھرنے کا تجربہ ہے میاں

آ رہا ہوں نصیحتیں لے کر

اس سے کہنا ابھی جوان رہے

آپ اگر سمجھا دیں خال و خد منظر کے

ہم اپنی حیرت کا نام بتا سکتے ہیں

اک عداوت سے فراغت نہیں ملتی ورنہ

کون کہتا ہے محبت نہیں کر سکتے ہم

آنسو نہیں بنا سو ہم نے

عجلت میں قہقہہ بنایا

زباں پہ توبہ کی ت کس طرف سے آ نکلی

ابھی گلاس میں باقی شراب کی ب ہے