mohabbat aam sā ik vāqi.a thā

hamāre saath pesh aane se pahle

mohabbat aam sa ek waqia tha

hamare sath pesh aane se pahle

lamha itnī gunjā.ish rakhtā hai ḳhud meñ

aap us meñ aane se pahle jā sakte haiñ

lamha itni gunjaish rakhta hai KHud mein

aap us mein aane se pahle ja sakte hain

aañsū nahīñ banā so ham ne

ujlat meñ qahqaha banāyā

aansu nahin bana so hum ne

ujlat mein qahqaha banaya

kuñ.eñ kī samt bulā le na koī ḳhvāb mujhe

maiñ apne baap kā sab se hasīn beTā huuñ

kunen ki samt bula le na koi KHwab mujhe

main apne bap ka sab se hasin beTa hun

vo ek ḳhvāb meñ mere qarīb aa.e agar

maiñ saare shahar kī nīndeñ ḳharīd saktā huuñ

wo ek KHwab mein mere qarib aae agar

main sare shahar ki ninden KHarid sakta hun

saal guzar jaatā hai saarā

aur calender rah jaatā hai

sal guzar jata hai sara

aur calender rah jata hai

sab ko qudrat thī ḳhush-kalāmī par

ḳhāmushī meñ zabāñ-darāz thā maiñ

sab ko qudrat thi KHush-kalami par

KHamushi mein zaban-daraaz tha main

gale lag kar ham us k ḳhuub ro.e

ḳhushī ik din milī thī raah chalte

gale lag kar hum us k KHub roe

KHushi ek din mili thi rah chalte

zinda ikaTThe ho rahe haiñ

lagtā hai koī mar gayā hai

zinda ikaTThe ho rahe hain

lagta hai koi mar gaya hai

khiḌkī se jhāñk kar kisī ne

manzar ko vāqi.a banāyā

khiDki se jhank kar kisi ne

manzar ko waqia banaya

dukh se do-chār saal chhoTā huuñ

hijr se ek din baḌā huuñ maiñ

dukh se do-chaar sal chhoTa hun

hijr se ek din baDa hun main

qīmat mire sone kī vahāñ ḳhaak lagegī

ho ḳhaak kī qīmat jahāñ sone k barābar

qimat mere sone ki wahan KHak lagegi

ho KHak ki qimat jahan sone k barabar

mohabbat aam sā ik vāqi.a thā

hamāre saath pesh aane se pahle

mohabbat aam sa ek waqia tha

hamare sath pesh aane se pahle

raushnī un dinoñ keī baat hai jab

de rahā thā koī dikhā.ī hameñ

raushni un dinon kei baat hai jab

de raha tha koi dikhai hamein

namī jagah banā rahī hai aañkh meñ

ye tiir ab kamān se nikāliye

nami jagah bana rahi hai aankh mein

ye tir ab kaman se nikaliye

ik adāvat se farāġhat nahīñ miltī varna

kaun kahtā hai mohabbat nahīñ kar sakte ham

ek adawat se faraghat nahin milti warna

kaun kahta hai mohabbat nahin kar sakte hum

ek rim-jhim sī kaifiyat k baad

mūslā-dhār ho rahā huuñ maiñ

ek rim-jhim si kaifiyat k baad

musla-dhaar ho raha hun main

kuñ.eñ kī samt bulā le na koī ḳhvāb mujhe

maiñ apne baap kā sab se hasīn beTā huuñ

kunen ki samt bula le na koi KHwab mujhe

main apne bap ka sab se hasin beTa hun

aa rahā huuñ nasīhateñ le kar

us se kahnā abhī javān rahe

aa raha hun nasihaten le kar

us se kahna abhi jawan rahe

ham ko misrā k tañg siine meñ

aah bharne kā tajraba hai miyāñ

hum ko misra k tang sine mein

aah bharne ka tajraba hai miyan

ye jo tālāb hai dariyā thā kabhī

maiñ yahāñ baiTh k rotā thā kabhī

ye jo talab hai dariya tha kabhi

main yahan baiTh k rota tha kabhi

ḳharīdāroñ meñ bhagdaḌ mach ga.ī hai

ham apne daam batlāne lage haiñ

KHaridaron mein bhagdaD mach gai hai

hum apne dam batlane lage hain

dukh se do chaar saal chhoTā huuñ

hijr se ek din baḌā huuñ

dukh se do chaar sal chhoTa hun

hijr se ek din baDa hun

sunā hai koī dīvāna yahāñ par

rahā kartā thā vīrāne se pahle

suna hai koi diwana yahan par

raha karta tha virane se pahle

maiñ tire daa.eñ baa.eñ rahtā huuñ

ai mire sāmne kī majbūrī

main tere daen baen rahta hun

ai mere samne ki majburi

aap agar samjhā deñ ḳhāl-o-ḳhad manzar k

ham apnī hairat kā naam batā sakte haiñ

aap agar samjha den KHal-o-KHad manzar k

hum apni hairat ka nam bata sakte hain

ik adāvat se farāġhat nahīñ miltī varna

kaun kahtā hai mohabbat nahīñ kar sakte ham

ek adawat se faraghat nahin milti warna

kaun kahta hai mohabbat nahin kar sakte hum

aañsū nahīñ banā so ham ne

ujlat meñ qahqaha banāyā

aansu nahin bana so hum ne

ujlat mein qahqaha banaya

zabāñ pe tauba kī te kis taraf se aa niklī

abhī gilās meñ baaqī sharāb keī be hai

zaban pe tauba ki te kis taraf se aa nikli

abhi gilas mein baqi sharab kei be hai