بنت حوا ہوں میں یہ مرا جرم ہے

اور پھر شاعری تو کڑا جرم ہے

جانے والے کو چلے جانا ہے

پھر بھی رسماً ہی پکارا جائے

خواب اور تمنا کا کیا حساب رکھنا ہے

خواہشیں ہیں صدیوں کی عمر تو ذرا سی ہے

مرے جذبوں کو یہ لفظوں کی بندش مار دیتی ہے

کسی سے کیا کہوں کیا ذات کے اندر بناتی ہوں

وقت بھی اب مرا مرہم نہیں ہونے پاتا

درد کیسا ہے جو مدھم نہیں ہونے پاتا

دل کے دریا نے کناروں سے محبت کر لی

تیز بہتا ہے مگر کم نہیں ہونے پاتا

کہاں پہ کھولو گے درد اپنا کسے کہوگے

کہیں چھپاؤ، یہ حال لے کر کہاں چلے ہو

جو سارا دن مرے خوابوں کو ریزہ ریزہ کرتے ہیں

میں ان لمحوں کو سی کر رات کا بستر بناتی ہوں

کیسے بجھائیں کون بجھائے بجھے بھی کیوں

اس آگ کو تو خون میں حل کر دیا گیا

اب تو سنوارنے کے لیے ہجر بھی نہیں

سارا وبال لے کے غزل کر دیا گیا

کوئی جواز ڈھونڈتے خیال ہی نہیں رہا

تمام عمر یونہی بے خیال جاگتے رہے

تمہاری آس کی چادر سے منہ چھپائے ہوئے

پکارتی ہوئی رسوائیوں میں بیٹھی ہوں

بس ایک بار یاد نے تمہارا ساتھ چھو لیا

پھر اس کے بعد تو کئی جمال جاگتے رہے