tum se ulfat ke taqāze na nibāhe jaate

varna ham ko bhī tamannā thī ki chāhe jaate

tum se ulfat ke taqaze na nibahe jate

warna hum ko bhi tamanna thi ki chahe jate

baḌī talāsh se miltī hai zindagī ai dost

qazā kī tarah patā pūchhtī nahīñ aatī

baDi talash se milti hai zindagi ai dost

qaza ki tarah pata puchhti nahin aati

log tum se bhī sitam-pesha kahāñ hote haiñ

jo kahīñ kā na rakheñ aur phir apnā na kaheñ

log tum se bhi sitam-pesha kahan hote hain

jo kahin ka na rakhen aur phir apna na kahen