اس کے بعد اگلی قیامت کیا ہے کس کو ہوش ہے

زخم سہلاتا تھا اور اب داغ دکھلاتا ہوں میں

یہ دن اور رات کس جانب اڑے جاتے ہیں صدیوں سے

کہیں رکتے تو میں بھی شامل پرواز ہو سکتا

اپنی سی خاک اڑا کے بیٹھ رہے

اپنا سا قافلہ بناتے ہوئے

حرف کے آوازۂ آخر کو کر دیتا ہوں نظم

شعر کیا کہتا ہوں خاموشی کو پھیلتا ہوں میں

اک زمانے تک بدن بے خواب بے آداب تھے

پھر اچانک اپنی عریانی کا اندازہ ہوا

اب کھلا خواب میں کچھ خواب ملاتا تھا میں

خاک اڑاتا تھا میں سیاروں کی سیاروں پر

لہو کے کنارے بھی زد پر ہیں دونوں

یہ کیا زخم ہے مندمل ہونے والا